轉貼自雅虎新聞：
2007年5月11日 :
蜆殼石油由午夜起加價，柴油每升加0.18元，無鉛汽油每公升加0.25元。
蜆殼超勁無鉛汽油，新價每公升13.48元，V能量無鉛汽油每公升14.33元，柴油每公升為8.74元。
2007年5月12日:
繼蜆殼加價後，加德士亦宣布調高汽油及柴油價格，其中汽油每公升加0.25元，柴油加0.18元。
加德士將於午夜起加價，白金無鉛汽油每公升新價是14.31元，黃金無鉛汽油是13.49元，超低硫環保柴油8.75元。
經過又要入油嘅，咪入咗先囉，慳得一蚊得一蚊嘛。
2007年5月12日星期六
個部落改咗中文名嘞 ！
因本部落由原本只有學泰文之文章逐步轉營為更多元化，所以現將中文名稱為 梁 太 ，英文名繼續係『Learn Thai』，網站地址不變，當然，亦會定時更新學泰文課程，與及編寫更多有趣文章，歡迎各位連結，請多多到訪，最後，希望各位喜歡本部落啦。
2007年5月11日星期五
糖宮
今日下晝五點幾，突然好想食糖水，但又差不多到晚飯時間，經過九龍城衙前圍道，見到呢間糖宮，有糖水、有甜品、有米線、有砵仔飯、又有小食，正合心意，坐低點菜，除咗一張雙面傳統文字Menu外，仲有一串圖片介紹，好！嗌嘢！
- 秘製豬軟骨米線($22) 加 喳咋($15) - 套餐價：$25
- 煙肉芝士卷($12) 加 芝麻糊($15) - 套餐價：$20
- 煎臘味蘿蔔糕 - $13
- 炸麻辣雞翼 - $15
- 找數共銀 $73 ，兩人食，夠飽，價錢合理。
先講米線，menu寫係「自製豆漿麻辣湯底」，有大中小辣比你選擇，我怕頂唔住，叫咗小辣，米線一到，先飲啖湯，唔辣嘅，但幾ok，下次我估叫中或大辣都冇問題，餸及配料唔多，豬軟骨好爽有咬口，整體味道同長沙灣間四川麻辣米線幾相似，冇咁『麻辣』，甜啲，芽菜同腐竹就比四川少，但係好味道嘅。
麻辣雞翼，即炸，皮脆，肉質嫩滑，可能唔係煎嘅關係，皮冇燶味嘅，正！唯一係覺得再辣啲就更正。
煙肉芝士卷，食落啖啖肉加上芝士，好滿足。
蘿蔔糕，店員話係自製嘅，煎得唔燶，喜歡食茶樓蒸蘿蔔糕嘅要試下。但如果你喜歡食煎得燶啲脆啲嘅就唔駛叫嘞，夾落幾易散，同行友人覺得一般，我就幾喜歡食嘞。
最後上埋兩碗糖水，味道都係唔太甜，喳咋特別足料，唔喜歡食太甜嘅朋友應該會覺得ok嘅。
總括我覺得全部所點嘅食物都有一定水準，價錢又唔貴，但由坐低到埋單，店員都冇放低一杯水或茶，但我必定會再去光顧的。
2007年5月10日星期四
Miss u Grandma
It's the time to say goodbye to my grandma finally!
Even through I know this day will come, but still very painful to accept the truth.
I miss all the precious moments with my dearest grandma.
I miss all the things she did for me.
Her love and caring in all these years.
Grandma, goodbye! Peace in heaven.
Even through I know this day will come, but still very painful to accept the truth.
I miss all the precious moments with my dearest grandma.
I miss all the things she did for me.
Her love and caring in all these years.
Grandma, goodbye! Peace in heaven.
飛機欖呀
飛機欖，喺我心目中，絕對係香港嘅一個經典，眼前呢位伯伯，賣嘅係潤喉欖(甘草欖)，後生嗰時四處外出不同屋村叫買：「飛~機~欖.......飛~機~欖.........」，一接獲生意，無論你喺七層大廈嘅五樓定七樓，只要你將 $ 包裝好，再掟比佢，佢就用非常準確嘅力度，將欖掟去你層樓、你身邊，自稱飛機欖，真真冇誇大！
尋晚我有幸喺大埔撞到佢，雖然身手已不復當年勇，我都忍唔住要幫襯佢，買咗十蚊飛機欖，呢位老人家係值得尊敬嘅，我亦認為『飛機欖』絕對係香港其中一個集體回憶，您又是否認同呢？
註：上網搵過呢位老人家嘅嘢，原來佢叫『基伯』
有埋出自基伯作嘅《賣欖歌》歌詞 ：
咁靚的飛機欖，的確係無彈。生津止喝，下火又除痰。若有傷風兼病患，我負責寫包單，食左至好行，想買企定黎，我飛來你唔好眨眼，咁靚既夫妻和順欖，包你食過無得彈。
唔單止咁，仲有遊戲 http://hk.games.yahoo.com/play/mini_5.html ，勁！
2007年5月9日星期三
和暢粥麵專家
-------炸雲吞------------客家肉丸粥--------和暢粥麵專家----
今日去大埔食晚飯，原本去世記食豬扖，點知原來好早收，於是去咗大明里間和暢，因為之前睇過下某報導對呢間有啲好評，所以去試下，一行兩丁友，叫咗三樣嘢，分別係：客家肉丸粥($18)、炸雲吞($15)、雲吞河粉($16)。
記得報導話『此店以新鮮，不加味精見稱』
先評肉丸粥，比一般粥店大碗，肉丸五粒，唔覺有味精，粥唔夠綿，但都OK，三樣中最好食嘅。
炸雲吞，有八粒，脆，但就細粒啲，雲吞肉嘅比重較多，冇咗食鮮蝦嘅口感，仲有舊油炸嘢嘅油益味，但唔難食，只提供沙律醬，如果有甜豉油就好嘞。
雲吞河粉，雲吞有六粒，我冇份食，但飲過一啖湯，晤..........果然係不加味精.........冇味嘅，友人於是加辣椒油，誰不知........唔辣嘅，友人評語：唔好食。
總結：想少味精嘅可以試一試，見人哋碟椒鹽排骨($15)好似幾得，地方亦算乾淨，如果你試到邊樣好食嘅話返我知啦。
2007年5月8日星期二
2007年5月7日星期一
無牌駕駛....累己累人
尋日新聞 , 將軍澳少年大膽車撞輾斃單車小童 , 聽見後覺得十分可惜 , 雖說小童在不應踩單車地方踩單車 , 大人疏忽監管 , 但如果小童當時唔係踩緊單車 , 意外係咪就唔會發生呢 ? 當然唔會 , 至於疏忽監管 , 呢個係社會問題 , 試問屋村家庭有邊個唔駛為口奔馳呢 ? 有幾多時間"監管"呢 ?
本人覺得最奇怪係點解少年有車匙 ? 有人肯借車比佢 ? 少年夠膽自己揸即係之前都應該有大人同佢講過駕駛係一様什麼東西 , 少年就話心智未成熟 , 闖下彌天大禍 , 但最詭異係竟然傳出有一個37歲成人頂包 , 如果頂包成功 , 對該少年日後將會有咩影響呢 ? 真係唔敢想像 ....................
唉 .....................
本人覺得最奇怪係點解少年有車匙 ? 有人肯借車比佢 ? 少年夠膽自己揸即係之前都應該有大人同佢講過駕駛係一様什麼東西 , 少年就話心智未成熟 , 闖下彌天大禍 , 但最詭異係竟然傳出有一個37歲成人頂包 , 如果頂包成功 , 對該少年日後將會有咩影響呢 ? 真係唔敢想像 ....................
唉 .....................
2007年5月6日星期日
訂閱：
文章 (Atom)
Since 27 APR , 2007
