早日康復

癲豆先生/太太於九月尾探過奀豬，當時奀豬傷口仍有痛楚，導至只能裂開小口微笑，並未能開懷大笑，但精神好好，全程有講有微笑，但當日因未出報告，所以未知病情進展。

10月8日，釘歷史去探過奀豬，好精神，進展良好，報告已出：肝臟壞組織已消除，但手術之前已有壞細胞混入血液當中，所以仍會有復發機會(有機會感染其他器官)。

現在奀豬極需要休養，適時作息、不能操勞、戒口等等，本人在此呼籲各方好友，如奀豬日後返工的話，請儘量調啲朝九晚五，唔洗操勞嘅更比佢，例如10仔，大家夾手夾腳睇住佢，幫佢休養成功後，再為大家拼搏過吖！

最後，開呢個 Post 嘅目的除咗匯報奀豬進展外，更希望大家多一個地方留言比奀豬，當然更鼓勵你直接打電話或去探探佢啦！

黃飛鴻

根據歷史考據，黃飛鴻原名黃錫祥，生於一八四七年七月九日，中國廣東佛山人，從小家境清寒，跟著他的父親黃麒英一起練武，四處賣藥。根據香港武師／導演劉家良的描述，黃飛鴻的武術師承自陸阿采，陸阿采則是師承三德和尚，劉家良的父親劉湛當年是向林世榮學拳，而林世榮（電影中的「豬肉榮」）則是師承黃飛鴻。

點解會提黃師傅呢？提起黃飛鴻，相信大家都會記起關德興師父，他們彼此好像是掛勾的，今日小弟有緣在深宵電視的粵語殘片中看見關師父的演出，難得關師父在片中(粵語殘片)並非飾演黃飛鴻，大家估下佢演什麼角色吖？

提示：片名叫『哪吒大戰海龍王』

答案：請登入意見欄睇睇

要做手術嘞

同大家匯報下病情進展先，初步已經預定在7月19日入院進行手術，點解話係"初步"呢，因為主診要我清晒所有幽門螺旋菌先可進行該手術，而我今日已進行了吹氣測試，下個星期一就知係咪鐡定7月19日做手術嘞。
而該手術會進行兩小時，用微創開四個窿，將因抽筋而收縮的食道部分之上及下各界開約2cm (更正：原來係上面界4至5cm，下面界2cm)，令該食道得以放鬆，手術完畢後需住院三日，之後"最少"要在家休息兩星期。
據主診講，手術後，五年內有10%機會會翻發 (因界開部分埋口而翻發，如翻發則需再做同樣手術或撐波仔)；5%機會會有胃酸倒流。
另外，今次我將入住山頂嘉諾撒，地點較為偏遠，各位唔駛嚟探我喇，我知大家有心就得嘞，手術必定會順順利利，我亦會好快健健康康咁同大家繼續遊山玩水的，請放心。

鶴咀燈塔

橫欄燈塔



前排搵緊香港水域，一號燈塔究竟喺邊呢？今日再搜尋，相信係鶴咀燈塔嘞，好想去睇下呀.......


『建 於 一 八 七 五 年 的 鶴 咀 燈 塔 ， 是 香 港 第 一 座 燈 塔 。 燈 塔 坐 落 在 鶴 咀 半 島 南 端 ， 為 一 座 圓 形 石 塔 。 在 一 九 零 五 年 ， 燈 塔 停 用 ， 而 燈 塔 上 的 射 燈 則 被 搬 往 青 洲 燈 塔 。 一 九 七 五 年 ， 燈 塔 再 次 被 使 用 ， 並 全 面 改 為 自 動 化 操 作 。 因 其 重 要 歷 史 意 義 ， 因 而 政 府 在 二 零 零 五 年 十 二 月 三 十 日 列 為 法 定 古 蹟 。』(轉自香港地方網)

文匯報報導 連結

燈塔是什麼 連結

鶴咀要點去 連結

川南之旅 (轉自水爺)

四川蜀南竹海、興文石林、龍泉驛桃花節、雲頂寨古鎮、重慶瓷器口古鎮之旅

(08年 3 月 23 日 至 3 月 27 日)

五天之旅由於來回航班安排，實際行程只有三天半，而在這三天半行程內總共車程用了超過十八小時，經常坐到八月十五開花結果都未到景點！

今次旅程範圍包括了成都附近的龍泉驛，四川省東南面宜賓的蜀南竹海及再南下興文的石林，還到了重慶市附近的古鎮。由於天氣不佳，大部份時間都是天陰甚至有毛毛雨，只有影桃花的一個上午見到藍天，總算有一點兒幸運。

蜀南竹海其實是一個很大的境區，各小區有不同的境色，我們在境區內坐了大約四十五分鐘的吊車及行了三小時山，都只是行了小部份，要行完全部相信要住上幾天呢！

興文石林除了可在地面欣賞各種石境外，還可在地下巨型山洞內欣賞各種奇岩怪石，在山洞內行了大約二小時才出洞。

在龍泉驛第一次看到滿山桃花的景象，還有很多户外茶室供遊人邊賞花邊品茶，寫意極啊！可能當天天氣好，我們遊畢坐旅遊車下山時發覺上山的車龍由山頂排到山腳，非常熱鬧，慶幸我們能在人潮到達前及早到達。

至於古鎮方面，雲頂寨古鎮實在太破舊了，沒有甚麽修葺及遊客設施，不值得坐幾小時車去參觀。反觀在重慶市的瓷器口古鎮相當有特式，如果到重慶的話值得花時間一遊。

總觀今次行程在短短三四天內看了那麽多的不同風景，亦算是精彩的一次遊程。

欣賞照片請按 此連結

** 鳴謝水爺分享是次旅程照片及感想 **

東涌至梅窩

3月29日，收工後又試新路，由東涌往梅窩：
東涌 → 薄刀屻 → 婆髻山 → 白芒 → 牛牯塱 → 黃公田 → 窩田 → 銀礦洞 → 銀礦灣瀑布公園 → 白銀鄉 → 涌口 → 梅窩
今次慢走，全程約4小時，山上花草茂盛，到處蝴蝶飛舞，鳥語花香，行經婆髻山時，適逢植樹日，迎面有不同團體由白芒帶同樹苗上山植樹，有意義。
當行至白芒村時，更一睹村外試劍石，體積比心中所想的大許多，及後到達山頂一涼亭，一邊是老虎頭，另一邊可遠望一片山巒，包括：大東山、二東山、雙東坳、婆髻山、蓮花山等等盡入眼簾，走過山頭，開始落山時，乍見雲霧剛由南至北，迎面吹來，配合山巒景色及西斜之陽光映照，好靚.........
因為下午三點才由東涌出發，當到達梅窩時已開始入黑，參觀過瀑布、銀礦洞後，便到了銀礦灣銀城吃晚飯，味道可以且頗夠份量，一試冇妨，晚飯後圍繞銀礦灣銀河散散步，再跟銀礦灣酒店拍拍照，最後到達梅窩碼頭，參觀一下李府食邑稅山界石，完成整個旅程，坐巴士回東涌去。
回顧全程，不太難行，比起東涌往大澳輕鬆一點，山景比海景略多一點，感覺良好，應該可成為日後梁太遊樂團之其中一個景點。

觀看照片連結 請按此

魚眼下的拍九

唔知各位籮箕灣團友記唔記得，當日星星仔帶咗 LOMO 魚眼相機出嚟，呢部相機除咗可影魚眼效果外，另一樣特別嘅係只可用菲林，今日我就有幸睇咗曬出嚟嘅相，欣賞過後，對以上的拍九照片最為深刻，於是即用手機影低比大家睇睇。
我覺得此照片能突出主題，表情自然，取景恰到好處，相片充滿故事性。

我本人真係好鍾意，你哋呢？

人食人

以上相片係我3月21日行大澳時喺碼頭偷偷拍嘅，估唔到呢個時代仲有人食人！

唉.....大家要小心呢個人呀！

赤臘角觀景山

3月23日，星期日，上咗觀景山欣賞機場全景，之後再去參觀古窯及古物園，如要行畢全程，來回都唔需要兩小時，我當然慢慢行慢慢欣賞啦，都係用咗三個多小時咋，有空抽少少時間去睇下吖，都OK，係多蚊啲，喜歡嘅話約埋我去多次都隨時奉陪。

觀看照片請按 此連結

東涌至大澳 (二)

3月21日，由東涌出發步行往大澳，如有跟開梁太文章嘅，應該記得半年前我曾經行過此段路 (重溫請按此連結)，而今次再去係基於兩個原因：

• 1. 上次尾段因天黑趕路，根本未睇清此段路的風景；
• 2. 港珠澳大橋已拍板興建，此處將會被改變........

路程同上次相若，所以不多加叙述，同上次唔同嘅，係在深屈繞過象山到大澳一段時候，發現全個山頭被燒到光脫脫..........黑晒！

仲有上次行咗4小時15分，而我今次就放慢晒腳步，結果足足行咗6個幾鐘。

照片連結 請按此

大埔海濱公園

08年3月15日攝

佔地22公頃，位於大埔的大埔海濱公園，每日開放時間為朝七晚七，係目前香港面積最大嘅公園，設施包括單車徑、餐廳、小食亭、西式花園、自然生態花園、大草地、昆蟲屋等等，單係海濱長廊已經長1,200米，而最有代表性相信係高32米的香港回歸紀念塔，原來當年英軍接管新界的淪陷時期，就係在回歸塔位置登陸，於是香港政府便在1997年建回歸塔以紀念香港主權移交這重要時刻，而該塔更有周南先生提字。

在這麼大的公園，好容易就可讓你閒度一整天，就我所見，來聚天倫樂的、攝影的、放風爭的、踏單車的、釣魚的、放狗的、觀光的比比皆是，有時間的話，要去行下呀。

08年維園花展

3月14日，一年一度花展又開始喺維園舉行嘞，今年係我第一年去，同行有三個已經去過嘅小鴻、水爺同阿威，我去嘅原因當然係跟三位高手學下攝影技術啦，尋日我係最遲到嗰個，都影咗3個鐘先走，有好多種類好多唔同國家嘅品種，連非洲都有......我估我都睇漏咗好多好多，入場只需 HK$14，買本場刊都係 HK$15 (我冇買)，其實幾值得去睇下，不過佢哋話今年啲花比往年快凋謝，唔知係咪同天氣有關呢？

欲觀看小馮照片連結 請按此
欲觀看水爺照片連結 請按此
欲觀看阿威照片連結 請按此
欲觀看小鴻照片連結 請按此
欲觀看美美照片連結 請按此

香港十大山峰

搵咗啲資料，全香港共有超過300多座大小山峰，而最高的10個依次序為：

1. 大帽山 (957米)
2. 鳳凰山 (934米)
3. 大東山 (869米)
4. 四方山 (785米)
5. 禾秧山 (767米)
6. 蓮花山 (766米)
7. 彌勒山 (751米)
8. 二東山 (747米)
9. 馬鞍山 (702米)
10. 牛押山 (674米)

梁太之友齊拜年

農曆新年將至，睇下有幾多人同你拜年？祝各位個個行大運，日日發大財！

*在此特別鳴謝拍七先生為梁太提供以上精美揮春*

馬屎洲

位於大埔的馬屎洲，擁有香港最古老的岩石(二疊紀，距今約2億八千萬年前)，而連接往馬屎洲的通道『連島沙洲』，亦會受潮汐影響，潮漲時會蓋過沙洲，所以在出入口亦貼有潮汐漲退表的，馬屎洲路段輕鬆易行，可遠眺景色包括：三門仔、馬鞍山、吐露港、八仙嶺、船灣海、船灣淡水湖主霸等，而我將大部份時間放在馬屎洲東及東南面一帶，沿途觀看古老岩石及優美景色，感覺十分良好，全程來回亦不過約三小時，實在值得一遊！唯一要彈的，可能是馬屎洲交通較為便利易達關係，本人所見，垃圾不少，希望日後到訪的朋友們，真是要注意公德啊！

今天行程如下：

三門仔 → 三門仔漁民新村 → 鹽田仔 → 連島沙洲 → 馬屎洲

如慾觀看照片請按 此連結

海洋公園

尋日，與同事到海洋公園，今次主要到了水母館、海洋館、熊貓館，都幾多遊人，由下午4點幾去到晚上8點多，一行八人，都幾多嘢睇喎。

有關相片按 此連結

想睇影片就雙擊下圖啦 (板主推介：海天使)

海洋公園2007

萬千師奶賀台慶

詹瑞文又有新騷，有興趣就早訂飛喇，八五折呀！

南風灣船河

今天西貢九點半集合，約10點多上船向南風灣出發去，途中收到不少朋友訊息提醒今日天文台已發出黃雨及雷暴警告，一路上天氣真的不是太理想，陰陰天，間中有雨，但亦不至於太壞，係落水果陣啲水幾凍，玩耐咗就冇問題嘞，我們一行12人玩了沙灘排球、熱血高校躲避球、一號二號球、Wakeborad、香蕉船等等，到了下午5點多回西頁碼頭。


在此要特別鳴謝：拍七、星星仔為我哋設計、籌辦是次船河，多謝兩位嘅貢獻及付出，我就非常滿意嘞。希望好快又有其他遊樂團出現啦。


小馮相片連結 請按此
之媽相片連結 請按此
因為今次影片包含咗一啲『18禁』嘅內容，所以唔直接放上嚟，請按下圖登入esnips觀看吖，共七條短片，慢慢睇啊。


拍七的影片已收到，大家都可以按上圖睇嘞。

梁太重開喇

首先多謝大家對梁太不離不棄，本人經過病魔折磨兩星期後(兩日高燒+個幾星期咳嗽)，身體已經康復，抖夠嘞，今日宣佈重開！

多得各位關心，梁太無言感激，希望大家繼續支持！

好掛住你哋呀！

沙螺灣

再接再厲，今日由侯王宮起步→"石散"頭→田心→較寮→鱟壳灣→沙螺灣→沙螺灣涌口→把港古廟為終點，去程大約兩小時，而回程因沒有停頓，用了約個半小時，全程用了三個半小時，講真都幾辛苦，行到腳仔軟，其實我回程所用的時間，同繼續去大澳差不多，不過我希望留待同大家一齊去，所以原路折返，大家睇下有冇興趣吖，但係必定要帶備足夠物資，我帶兩樽水都唔夠......

今日所見：有地方掘蜆，近距離影到招潮蟹、彈塗魚、人面蜘蛛，回程時遇到約有廿架單車斷斷續續迎面駛來，相信是向大澳進發的。

另外感受較深的是替沙螺灣村的村民有點不值，本來一個寧靜的村落，因新機場的關係，每數分鐘都有飛機升降的聲音，很是嘈吵的.........

尚有更多照片，觀看請按 此連結

(因為相機冇電，影得比較少，下次一定要補返先得！)