UwillPay Vs Turbo

賽前熱身(一)


賽前熱身(二)

由於今日都拍下頗多影片，所以只貼兩條熱身片段喺度，另已從賽事中挑選了13條短片出來，各位可雙擊下圖，登入eSnips慢慢欣賞，順次序睇就可以：

UwillPay 8月30日比賽實況

今晚我隊各球員狀態都幾好，全場大部份攻勢由我方發動，而今日值得一讚係我方龍門表現神勇，可惜上半場早段已比對方射入罰球，事緣華仔因救球心切，膊頭撞到對方勁射嘅皮球，皮球繼而應聲入網，華仔！我哋係唔會怪你，不用自責，比賽梗有輸贏，再講，唔係你前幾場嘅入球，我哋又何來今日嘅成績呢？況且你只係想救波，千祈咪放喺心呀，我哋球隊永遠團結！

其實上下半場我哋都有不少機會，可惜都未能把握，結果輸比Turbo 0：1，食海鮮時再得知 Ghost 勝 APM 5：0，我哋因得失球差，與今屇八強無緣嘞。

各隊友，今年輸咗唔緊要，都踢得好好吖，下年再接再厲，爭取佳績！

總結今年賽事：
我哋嘅神射手係：華仔。
而癲豆亦喺比賽當中入到佢嘅第一球。

另如各位如有興趣可改定下年足球隊隊名，隨時比我，到時間合適再擺上嚟梁太比大家公投啦。

水貨同行貨嘅分別

等專家同你解釋下啦！

領隊豪教你影相擺Post

要學嘢嘞！領隊豪教你擺可愛Post


隊長即學即曉，仲同領隊豪表演雙人花式，果然天資聰穎！


呢個就差啲嘞.........都可愛Ge.......

食棧海鮮宴

雖然球隊今日輸零比一，計得失球後，UwillPay 被踢出局，下年再接再厲，因為輸贏唔重要，只要我哋一班人開開心心踢我哋嘅開心足球就足夠嘞！

踢完比賽，我哋一行十七人浩浩蕩蕩，到了樂富食棧海鮮酒家，十七人坐埋一張枱，正！

以下係今餐嘅菜單：

大花龍蝦伊麵
大石倉兩食(炒球及魚粥)
豉椒炒大竹聖
果皮蒸大鮑魚
椒鹽賴尿蝦
薑蔥焗羔蟹
惹味魚湯(美國蠔+象拔蚌)
至尊燒鵝
海皇焗飯(大家都飽嘞，所以冇上呢樣)
楊枝甘露
芒果/榴槤班戟(呢樣送嘅)
汽水/啤酒任飲

可能因為一班人食嘅關係，今日覺得樣樣都OK喎，而我就較喜歡個魚粥、燒鵝汁同賴尿蝦，要彈就彈啲蝦細隻啲唧，仲有，比較特別嘅係楊枝甘露放咗冰，食落凍凍哋都幾過癮，正！

另外在此要特別鳴謝 經理占 統籌，領隊豪 協辦，攪咗呢餐又豐富、又好味、又滿足嘅海鮮宴比我哋呢十五兜友仔食，多謝你哋呀！

睇下我撞到邊個

8月27日，晚上約6點25分，小弟在東薈城行下行下嘅時候，比我撞到佢........

月蝕後的月亮

尋晚月蝕影咗比大家睇，今晚特登影月蝕之後一晚嘅月亮上嚟，雖然今日係舊曆十七，但係個月光仲係好圓、好圓。

失而復得有妙法

提示服務：坪洲917之旅

此 Post 主要係提示想參加9月17日坪洲之旅嘅朋友，要開始準備調更嘞，如可以的話，請盡快覆實我閣下參加與否吖。

有關917坪洲計劃行程請按 此連結

店員如何複製你的信用卡

從email得悉盜取信用卡資料嘅手法，擺上嚟比大家知道下，如果你係客人，就要小心被人盜取資料；又如果你是從事一啲會收信用卡嘅工作，就要小心你嘅動作，免得被人誤會你盜取緊佢嘅資料喇。

月蝕

今晚適逢月全蝕，食完飯見到，立即拍低佢。

報仇雪恨

C組經過尋晚賽事後，洪都以首名出線嘅機會較大，次名則是跳跳虎及黑山之爭，而呢場爭出線之戰，亦被安排為C組尾輪尾場進行，但仍以黑山機會較大。

唔知大家仲記唔記得，喺某年前，我隊被黑山做場和波，而趕咗我隊出局，我想報仇好耐，今年機會嚟嘞，如果我哋以首名出線，對黑山嘅機會就十分、十分大嘞！

UwillPay 努力呀！30號對 Tubro 唔止要和波咁簡單，要砌低埋佢攞首名出線去報仇呀！

年青歌星

Amazing 3 Years Old Cleopatra Stratan - The funniest videos clips are here

據稱係來自羅馬尼亞的三歲小小女歌星，幾得呀。

華航 8月20日 那霸機場爆炸

真不希望同樣嘅事情再發生，尤幸全機165名乘客、機組人員都安全逃生。

America's Talent (Kevin Johnson)

如果你尋晚無睇電視，可能錯過咗呢段片，片中呢位仁兄以腹語參賽，最厲害係當其中一位評判比個『X』佢之後(3個X要出局)，佢表演.....用腹語之餘，仲做口型，扮影片聲畫唔同步，最後比 X 嗰位評判主動收返之前嘅評分，仲比呢位仁兄入選。勁