四川7.8級地震

『5月12日四川7.8級大地震後，震央汶川多個城鎮被夷為平地，道路及通訊中斷，當局派出直升機及傘兵空降救援，總理溫家寶 也乘直升機到汶川視察。』

在這幾日，各大報章、電視台、電台都環繞此大災難......

截至剛才電視新聞報導：官方死亡人數已增至14866人，數以萬計的人仍被困在瓦礫之中......

每次聽到有關此災難的新聞，心裡都十分難過......

梁太同大家作出呼籲，如果可以的話，請大家都伸出援手吖，以下係一啲捐款戶口嘅資料：

宣明會

匯豐銀行：018-554444-001

恆生銀行：286-364385-003

中國銀行：012-883-0-002666-2

救世軍 (捐款熱線：27832333)

匯豐銀行：580-149649-001

中國銀行：012-878-1-061887-6

東亞銀行：015-515-10-50541-3

紅十字會

匯豐銀行：567-650155-016

恆生銀行：267-175123-001

中國銀行：806-0-000161-7

東亞銀行：514-40-39966-3

樂施會

匯豐銀行：001-537000-012

中國銀行：012-874-0010515-7

聯合國兒童基金會 (捐款熱線：28336139)

匯豐銀行：507-354014-005

中國銀行：012-875-1-081085-5

永隆銀行：020-601-003-7635-2

** 以上捐款資料由都市日報轉載 ***

的士抗議機管局

小弟昨晚 1：40分(7月14日晚/15日零晨)放工坐公司車回家，當車一駛到富豪酒店迴旋處附近，就不能再前進，很多的士在前面堵塞道路，當時我們全車共十位同事，雖然知道已有警方介入，但等呀等，仍然毫無進展，到了零晨1點56分左右，有七人(包括我)終於決定落車尋找其他方法離開，最後到了大樓的士站，分成兩部的士(沒參與行動的的士)離開，一日未出到大路一日都未走得甩，因為首先的士大佬要另尋車路，不能行走正常路線，有部分仲要逆線行車，你都咪話唔危險，行行下仲驚，見到遠處有十幾廿輛的士快速倒車行駛，似乎想堵塞其他出入口，好彩我哋架的士都順利離開，而我亦係比平時遲約半小時回家罷了。

返到屋企上網一睇，原來早在晚上十一點已有約一百架的士準備此抗議機管局更改泊車地點及收費安排，唉，誰對誰錯，我不敢評論，之但係阻住其他市民就真真令我反感。

另在此亦要多謝載我哋衝出重圍嘅嗰位的士大佬，多謝晒！

*星島報導*

討厭領匯！

舊年五月，村內停車場當時仲係由威信管理，租金每月HK$840，誰不知領匯一接手(因領匯外判，現時實際仍然是威信管理)，即時二話不說，減少車場員工外，更在2006年七月將租金提升為HK$920，升幅達9.5%。小市民當然無力反抗，今年領匯又公佈會再加價，更不理會早前有部分車主連同議員到領會門外抗議反對，堵塞其停車場等等，一様照加！今年七月，我泊嗰個停車場就會加到HK$1100嘞！今次升幅有成19.5%！如果同06年比較，兩年累積已加了31%，認真理得你死活！

政府呢幾年嘅得意之作中，相信領匯上市會係其中之一，一味話要維護股東利益，不理會民間疾苦，縮減資源，降低服務質素，無論街市、商場、停車場都不斷加租金，好似唔休冇得做，你唔租自然有人租，務求趕走啲舊客，引入啲大集團同啲肯比錢嘅人，最緊要股東有利益，領匯大股東係邊個？香港政府囉！(雖然現在大股東已非香港政府，但我就唔信政府冇干預或無權干預！)

呢次真係深深咁領會到香港政府點樣體恤民情，領匯呢個名，改得好呀，你同政府反映咩，佢又答你領匯已經上市，政府無法監管，你同領匯提出？佢又話要維護股東利益，唉.....神又係你，鬼又係你，既然香港政府要咁趕絕啲小市民，不如索性設立一啲貧民區啦，我估小市民會開心啲，起碼唔使比你趕，又唔使估你下次用咩招數迫啲小市民，心理壓力少啲，人都健康啲，真係.........

昂平360

昂平360日前發生車廂墜毀事故，小弟當晚聽聞，以為坊間流傳之惡作劇，誰不知竟是鐡一般的事實，真是恐怖！ 呢啲事有咩理由會發生？
但見呢幾日嘅報紙、新聞，都講緊邊個要負責、邊個要辭職、旅發局要索償百多萬呀，真是一沉百踩.................
咁多人出嚟講嘢，最有見地係葉樹堃先生『最重要是找出事實真相及出事原因』，首先大家係咪要搵出真相，再大家睇下點樣補救，然後再去問責，有時間先商討賠償呢？外國記者就話姐，香港人係咪應該先齊心攪好呢單嘢先呢？唔好嘥時間去指責先啦，唔該。

• 如閣下對以上言論感到不安，請勿見怪，純屬個人意見，當我亂噏得嘞。

無牌駕駛....累己累人

尋日新聞 , 將軍澳少年大膽車撞輾斃單車小童 , 聽見後覺得十分可惜 , 雖說小童在不應踩單車地方踩單車 , 大人疏忽監管 , 但如果小童當時唔係踩緊單車 , 意外係咪就唔會發生呢 ? 當然唔會 , 至於疏忽監管 , 呢個係社會問題 , 試問屋村家庭有邊個唔駛為口奔馳呢 ? 有幾多時間"監管"呢 ?

本人覺得最奇怪係點解少年有車匙 ? 有人肯借車比佢 ? 少年夠膽自己揸即係之前都應該有大人同佢講過駕駛係一様什麼東西 , 少年就話心智未成熟 , 闖下彌天大禍 , 但最詭異係竟然傳出有一個37歲成人頂包 , 如果頂包成功 , 對該少年日後將會有咩影響呢 ? 真係唔敢想像 ....................

唉 .....................