米奇老鼠！？

今日去食晏途中遇見嘅，怪物呀 ~

貓沙

好熟 ... 中文名好似唔知喺邊度聽過咁 ... 但英文就有啲唔妥 ...

哈囉喂

小弟近日用手機拍得兩幅靈異照片，趁快到鬼佬鬼節，貼出嚟同大家應下節！


呢幅名為 『路牌纏身 ~』

而呢幅就係 『蜻蜓降頭 ~』


係咪好得人驚呢？祝各位哈囉喂快樂！

環保汽車

上圖呢架車大家見過未？無需入油、無需叉電，全人力推動！小弟有幸喺圓方某超市入面見到！小朋友坐得興奮又開心、大人買嘢安心又放心！值得推介！未見過嘅得閒經過去睇下吖 ~

手機晚霞

尋晚6點45分左右，路過亞洲博覽館，見到團光好靚，冇相機喺身都立即攞部手機影低比大家欣賞下，請原諒在下迫你哋睇相吖。

魚街獵奇

因為呢排又返通宵又返夜，所以成個星期都冇更新下梁太，唔好意思咁多位，好！Post 返張我上星期喺太子魚街影嘅相比大家欣賞下啦。

圖中嘅魚血鸚鵡，照我估計係魚販用高科技幫魚魚紋身，真正名符其實有血有淚，唔知你又覺得靚唔靚呢？

地鐡隨拍

此照片是在東涌線的一輛地鐡內拍得的，大家對呢位仁兄嘅"企法"有咩意見呢？

• 一. "請盡量行入車廂中間" ←佢有做到
• 二. "請讓位予有需要人仕" ←佢都有做到
• 三. "閱讀報紙，請顧及他人" ←佢亦有做到喎
• 四. 佢冇坐在地上吖

咁......有冇問題呢？

一齊賞月吖

可能你會覺得好無聊，當陪下我一齊應下節吖！
各位，中秋節快快樂樂呀！

註：影片攝於月圓之夜，9月25號晚上。

水貨同行貨嘅分別

等專家同你解釋下啦！

領隊豪教你影相擺Post

要學嘢嘞！領隊豪教你擺可愛Post


隊長即學即曉，仲同領隊豪表演雙人花式，果然天資聰穎！


呢個就差啲嘞.........都可愛Ge.......

睇下我撞到邊個

8月27日，晚上約6點25分，小弟在東薈城行下行下嘅時候，比我撞到佢........

月蝕後的月亮

尋晚月蝕影咗比大家睇，今晚特登影月蝕之後一晚嘅月亮上嚟，雖然今日係舊曆十七，但係個月光仲係好圓、好圓。

月蝕

今晚適逢月全蝕，食完飯見到，立即拍低佢。

識得『買餸』的簡寫嘛？

睇咗好多次，先知道原來呢個廣告係講旅遊大使 莫文蔚小姐 提醒大家要自備購物袋去買餸。

瀝青

前兩日喺巴士上見到鋪瀝青(蠟青)，工作的主要有三輛車，詳細工序唔識，只見一部(5號嗰架)負責在最後方壓平路面、一部在兩車中間碌瀝青、另一部在最前負責放瀝青。

下面轉載有關瀝青的解釋：
瀝青，是高黏度有機液體的一種，表面呈黑色，可溶於二硫化碳之中。它們多會以柏油或焦油的形態存在。
柏油形態的瀝青是把原油以分餾法提煉得的，它們在原油中擁有最高的沸點，以及原油中最重的物質，因此會在分餾塔中的最底部找到。
而焦油形態的瀝青，則是把有機物質（多為煤炭），經過乾餾法處理而取得的物質。
瀝青多會用在建築上，例如鋪馬路。

錶行

呢間店舖位於新都會，留意招牌吖

手機亂拍

博覽館巧遇壁虎BB，好趣緻

雲似籮旋型，即拍！

巴士上，陽光普照，又拍！

Hello Kittty

放置於香港站的 Hello Kitty 車廂，都幾別緻，而箱仔中那個基建維修技術員亦非常盡責，只有佢於展覽期間都向上觀察車廂結構有否不妥，好！

的士抗議機管局

小弟昨晚 1：40分(7月14日晚/15日零晨)放工坐公司車回家，當車一駛到富豪酒店迴旋處附近，就不能再前進，很多的士在前面堵塞道路，當時我們全車共十位同事，雖然知道已有警方介入，但等呀等，仍然毫無進展，到了零晨1點56分左右，有七人(包括我)終於決定落車尋找其他方法離開，最後到了大樓的士站，分成兩部的士(沒參與行動的的士)離開，一日未出到大路一日都未走得甩，因為首先的士大佬要另尋車路，不能行走正常路線，有部分仲要逆線行車，你都咪話唔危險，行行下仲驚，見到遠處有十幾廿輛的士快速倒車行駛，似乎想堵塞其他出入口，好彩我哋架的士都順利離開，而我亦係比平時遲約半小時回家罷了。

返到屋企上網一睇，原來早在晚上十一點已有約一百架的士準備此抗議機管局更改泊車地點及收費安排，唉，誰對誰錯，我不敢評論，之但係阻住其他市民就真真令我反感。

另在此亦要多謝載我哋衝出重圍嘅嗰位的士大佬，多謝晒！

*星島報導*

照片共賞

一場比賽，每個人都應該要十分專心嘅，但大家又知唔知上面兩幅圖片中邊位最專心呢？冇錯！就係在左手邊橙柱旁白衫黑衭嗰位女仕，無論隊長幾靚仔、開罰球動作有幾優美，呢位女仕都毫不動容，繼續專心傾佢嘅電話..........



記得到蒲苔島當日，有團友問我：『你估呢度有冇得上網呢？』，相信聰明嘅你，已經搵到答案啦，上圖呢間屋嘅屋主咪黑客囉，咁點會冇得上網呢？



我將呢幅相改咗名做『你情我願』，你睇下，淺色帽嗰位人兄心甘情願咁舉高隻手比深色帽條友仔影格啦底！唉...而家啲人嘅癖好真係特別.......

呢張叫『三個人的早餐』，試下放大睇睇人數嗰欄，三個人竟然叫咁多嘢，勁！