2008年4月23日星期三

大東山


大東山,高869米,為香港境內第三高峰,尋日早上觀察過天色,持續放晴,放工後決定相約星星仔一同往大東進發去也,今次行程:
伯公坳大東山 → 繞二東山雙東坳南山郊野公園嶼南道
2點33分到達伯公坳,開始旅程,而今次正正是鳳凰徑第二段,全長約6.5公里,一開始全程向山上,斜度一般,一直向上爬確需要一定體力,但每高一點,視野愈是遼闊,對望鳳凰山、遠眺分流、籮箕灣、索罟群島全景、石鼓洲、南丫島、長洲、喜靈洲、周公島、坪洲、交椅洲、香港島南面,通通盡收眼底,可惜昨日始終能見度偏低,如能見度高的話,相信就連遠至蒲苔島都可以見到。上到接近山頂,地勢開始偏於平坦,而風勢亦比較大,十分清涼,向前行了不久,望向遠方見十多間石屋,原來已經到達大東著名景點『爛頭營』,石屋群比我嘅感覺好似去咗荷蘭、丹麥咁,好有特色,但我們參觀了兩三間石屋後,天氣開始轉變,先是一片大霧由北面湧至,好壯觀,五分鐘內,180度由天晴轉為微雨,於是我們二人便決定要用較快速度下山去,沿途快快參觀石屋,影相也是急急的,過了爛頭營,進入二東山段,雨勢愈來愈大,我們連相機都要收起,連忙趕路,上山辛苦、而落山就危險,因為有些路段頗險峻,石面有青苔、地衣等,加上雨水後令石頭變得十分濕滑,沿路更滿佈碎石,真是稍有差池,後果不堪設想,當時又要擔心太慢落山,又會天黑,我同星星仔終於領會到,什麼叫做『千祈唔好急,但係要快』嘅道理............ ,6點13分,我們到達南山郊野公園嶼南道出口,完成今次旅程,全程共用上3小時40分,心情好興奮,唯落山一段全程皆被雨水、霧水籠罩,未能為大家拍下照片,實是可惜,但今次體驗對於我們兩人確是難得且難忘的。
而旅程當中有一些小插曲:
  1. 明明知道前面有一隻『大鳥』,因逃避我倆而走入樹叢,又明知佢會無啦啦飛出嚟,但係當佢真係飛出嚟嘅時候,我哋都仍然『嘩』咗出嚟,嚇一嚇。
  2. 路上遇上一條蜈蚣,雖然唔大條,但係佢紅色嘅部分係鮮紅色嘅,一般我見過嘅只係暗紅色的,呢條蜈蚣比我感覺佢好毒..............
  3. 在南山的某段路上,當時星星正用行山竹篤吓篤吓之際,我見到有一條類似青竹蛇喺星星仔後面橫過,我當然大嗌話佢知叫佢急急繼續前行,我就等條蛇大哥完全離開,先夠胆行過,驚驚!

縱觀今次旅程,雖然辛苦,但好興奮、有體驗、有得着,多謝星星仔!

觀看 小馮 照片請按 此連結

觀看 星星 照片請按 此連結

** 資料補充:網上查過,原來爛頭營的由來有另一個說法,可到 此連結 睇睇,至於邊個係真,我就唔清楚嘞。至於當中18號石屋裡面的相片,則可往 此連結 **

10 則留言:

ILoveUGirls 說...

今日突然諗起,如果想上爛頭營睇睇,可以唔經南山嗰邊走,參觀完啲石屋行回頭路返伯公坳,咁行法就應該冇咁危險嘞,當然係講緊冇雨水冇霧水嘅情況啦。
但上山一段仍要先衡量自己夠否足夠體力同耐力,比啲資料各位,由伯公坳上斜行到爛頭營大約需要一個半小時左右。

匿名 說...

嘩! 辛苦晒兩位大哥探路. 晴天的話, 呢度會係理想嘅攝影地.

匿名 說...

下次有機會就試下由黃龍坑上,行郊遊徑到二東及大東,之後由伯公坳落...我估都唔太難行

匿名 說...

大哥馮都講哂,我只係有少少嘢要補充..

如果單獨同阿馮行山,請謹記要受得住佢由頭不停講嘢講到尾,就算最辛苦上山嗰段佢都有無限個話題可以發揮,完全無氣喘...犀利!!

仲有,要喺度多謝佢!當我地行爛頭營d小路時有幾次爭d"sin"低,好彩有佢扶一扶我...多謝!

ILoveUGirls 說...

香港,一個國際大都會城市,城市節奏急速,人們常言道『手停口停』,我就太習慣城市生活,當走到這個大自然寧靜休憩的生活裡面,可謂完全截然不同,我的行為亦為之180度轉變,變為......口停手停,唔講嘢...手腳唔識郁架,大佬,睇開啲啦。

匿名 說...

我愛囗水馮!

ILoveUGirls 說...

冧晒 ~

匿名 說...

大哥, 大東山是否向東? 可否看日出?

ILoveUGirls 說...

可以,因為大東山位於鳳凰山東面,所以唔會被鳳凰山遮蔽,唯獨係頗為大風,但都係其中一個睇日出嘅出名地點。

黑洞 說...

我諗睇日出都係二東好過大東,因始終二東望向東面視野會比大東廣闊

AddThis Social Bookmark Button
AddThis Feed Button

代客張貼服務

將你想發表的內容及網名Email到airjcc.learnthai@blogger.com 便可代為張貼閣下的文章於本網站。(更多說明請參閱標籤中的網頁功能)
Palacan!部落格聯播

Since 27 APR , 2007

Blog Flux Directory