只要有夢想

尋日，喺報紙見到韓國電器生產商LG計劃生產一款擁有MP3功能嘅洗衣機，跟同事傾過，有啲意見係：「連MP3！？要嚟做咩？」
今日，當我搭巴士瞌緊眼瞓突然想起多年前嘅電視廣告..............『只要有夢想，凡事可成真』，呢句說話確實幾有道理，試想下以前大家有冇想像過電話可以拎住週街傾？電話可以影埋相？微波爐同雪櫃可以上網？上網嚟做咩呢？寄信唔駛貼郵票寄出去？車有咩理由唔係用真馬............
其實我真係十分佩服那些將自己幻想、夢想講出嚟嘅人，最初可能係不設實際，但係又有邊個知道日後你嘅小小『幻想』可能會被其他人實行後大大造福人群呢？
唔知幾時我沖涼房嗰四面牆會自動射水，取代花灑呢？我個花灑又幾時會連埋電話？塊鏡幾時會連埋電視？屋企鎖匙幾時可以連埋鬚刨？公廁第時會唔會連便利店連銀行連酒店.............................

蒲苔島團

截至今日為止，已經有三位老友表示有興趣組團去蒲苔島嘞，相信唔駛太耐就可以成團出發，而家只欠選定日子，真係未去先興奮，估唔到咁快成到團，如你/妳都有興趣，記住打比我呀。

• 現時參與者包括 (6月9日更新)：水爺、老細、星星，華、豆。

超"急"女秘書

Fastest Secretary In The World - Watch more free videos

可能係世上最快嘅『打印』高手..........一秒七個.........勁！！！

百萬份一

有冇興趣睇下百萬份一之下嘅世界係點？有.....就睇片啦。

女朋友發脾氣的理由

睇到最後先知點解佢會咁嬲，好叻呀！

好想去下

今日無無聊聊，拎起本地圖睇，見到位於香港東南海域嘅蒲苔島，因為未去過，突然間好想好想去行下，但而家天氣又太熱，去盞曬餐死，現計劃年尾涼快啲一定要去參觀下，唔知你哋會唔會都有啲咁嘅衝動呢，如你/妳都有興趣，打比我約定啦。

好攰呀

歐陽震華連拍七日七夜電視劇之後.................

北京拉麵店

------------正門----------------酥炸排骨湯拉麵 $20-----

紅油抄手 $18 (八隻)

高纖五穀冷麵 配 五香雞翼 $32

6月3日晚，行西九龍中心，見呢間北京拉麵店裡面坐滿八成客，於是入內試試.............可能跟西九龍設計有關，內裡擺設都幾擠迫，行人通道剛好夠一個人通過，坐定後點了以上三款菜：

• 紅油抄手，味道一般，紅油唔夠人家足料，一啲都唔辣，價錢雖便宜，真係一分錢一分..............
• 高纖五穀拉麵 配 五香雞翼〈或可配密汁豬扖、煙燻鴨胸絲、燻魚、麻醬雞絲〉，撈麵醬汁奇少，麵及雞翼皆不太夠味，雞翼一般，唔難食，賣$32貴咗啲..........
• 酥炸排骨湯拉麵，麵質爽口，排骨肉質鬆軟多汁，味道有啲似豬肉乾，最好味係呢樣。

可能係我唔識點菜，除炸排骨外，其他的都覺得麻麻，比較可取嘅係即叫即煮，上枱熱辣辣，但要注意如光顧的話，請預多啲時間，我就等咗超過半個鐘頭先嚟齊，另外仲要收加一，如有興趣，自己過去試下............

亞洲國際博覽館的黃昏

-------<18:47>--------------------<18:48>-----------


--------<19:15>-----------

2007年5月30日晚，喺博覽館見到幾靚，即用手機拍低嘅。

金猴？

重溫片段：多年前無記球賽節目，聽下大哥俞講咩？留意片尾阿招積嘅表情..........冇心之失，不過原來都幾易讀錯，兩個主持都中招。