網友『Dreamer 』提供，2007年7月5日中午，當天時雨時晴，Dreamer 跟兩個朋友抵達城門水塘拍照，而拍攝上圖時，四週無聲，只有微微的風吹呀吹..........Dreamer不知不覺走到樹下，突然發現眼前美境，便拿起相機將之攝下，今天曬出相片，便發現湖中黑影..............莫非香港真的有水怪？
2007年7月7日星期六
2007年7月6日星期五
別府(青衣城)
- 蟹籽沙律：可接受，但就比嚐越差嘞。
- 三品刺身：三文魚、吞拿魚、玻璃蝦各兩件，用碗上，底部放滿冰，幾新鮮，個人比較喜歡蝦，夠大隻夠鮮甜。
- 蟹籽炸蝦卷：炸蝦味道與元氣炸蝦卷十分相似，分別係再加上飛魚子，幾好食。
- 鐡板迷你土佐豆腐：木魚炸豆腐，豆腐好滑，中間放咗啲明太子，辣辣地，幾惹味，好食嘅，不過勁多油。
- 天婦羅南瓜蕃薯：唔知係咪廚房攪錯咗，共四件南瓜及兩件茄子天婦羅，冇咗蕃薯呢樣嘢，南瓜OK，茄子就冇咩味嘞。
- 吉列廣島生蠔：即炸生蠔，外脆內軟，幾得喎。
- 松葉蟹膏海鮮炒飯：咪誤會，冇松葉蟹肉嘅，得少少蟹膏撈下啫，有啲尤魚、蝦、假魚蛋，普普通通咁啦。
- 麵豉湯：以前我唔鍾意飲，近幾年開始接受，仲幾喜歡飲，呢碗啲豆腐就好味道嘞。
- 甜品：綠茶雪糕OK，Tiramisu就唔多掂嘞。
有冇發覺圖片中多咗一款呢？冇錯，玻璃蝦刺身係送嘅，睇過餐牌，價值HK$38，我哋兩個人都食唔晒成個餐，最後食剩個海鮮炒飯，每人食咗一碗，有剩打包拎走，好飽呀。
另荃灣、青衣、東涌嘅別府我都光顧過，係東涌嗰間服務態度最差，其他兩間都幾好喎，照計應該都係越多客就越差(唔懮做)，我諗東涌別府真係要好好檢討下。
2007年7月4日星期三
嚐越(東涌)
第一次接觸嚐越，是在葵芳新都會，感覺是蠻好的，這次食評是已進軍東涌約半年的分店，新開張的時候已來過一次，當時此分店沒有套餐，所以已有一段時間沒有來過，近來發現已開始供應，今日特地過來吃一餐！
今次叫咗上面呢個『健康套餐』，價錢HK$168，加越南咖啡(HK$10)，連加一，找數HK$195.8，值得一提係本身加HK$10只可選特飲，如三色冰之類，但經理說只此一次，在此多謝經理小姐先。
食套餐的原因，係一次過可食多款食品，以下食品皆包括在這套餐內：
- 水晶鮮蝦扎肉卷：由濱海、蝦、蔬菜、扎肉組成，凍食，點埋醬汁(越南春卷嗰啲)，酸酸地，幾好味，但好奇怪，隻蝦唔細隻，唔知點解食嘅時候好似食唔倒蝦同扎肉咁，唔明。
- 蟹肉柚子沙律：由極少蟹肉，好少碌柚，同蔬菜組合而成，好新鮮，都好味。
- 柑桔鳳梨雞：柑桔肉、少少菠蘿、雞連皮炸過，菠蘿同柑桔都幾好，但係雞食落就怪怪地，有啲苦味又有啲梅味咁，我就唔太欣賞嘞。
- 蒜茸油麥菜：識我嘅朋友都知我唔太喜歡食菜，不過呢碟菜真係炒得好好，我仲不斷夾嚟食，值得推介！
- 蛋白扎肉炒飯：最初以為係一碟上，誰不知用兩個碗上，仲要係十分十分細碗嘅，味道就OK過得去咁啦。
- 雪葩或啦爺糕：雪葩冇咩特別，雪糕一球；而啦爺糕就有啲似泰國嗰啲糕點，都可以。
- 凍越南咖啡：要待熱咖啡滴完，自行加奶，再將咖啡倒入有冰杯內，用OK嚟形容啦。
食物大致上都幾好味，係的骰啲，但勝在外觀幾好同新鮮，價錢就貴咗少少，兩三個月嚟食一、兩次都可以接受。
2007年7月3日星期二
2007年7月2日星期一
W-inds 來港實況
W-inds.
人頭湧湧，睇下啲 Fans 幾熱情！
嘩！W-inds 喺嗰便呀！追呀！
尋日咁啱我喺機場見到此情境，立即影低比各位睇，影片唔係壞咗，係啲 Fans 好熱情，大多數時間只聽到 Fans 勁尖叫！
7月10日蒲苔島更新人數
截至現在，參與此次開心旅程的成員：- 本人 (放假，必到)
- 大佬泉 (放假，到梗)
- 水爺 (放假，硬到)
- 拍直 (放假，到硬)
- 阿葉 (放假，實到)
- 華仔 (放假，梗到)
- 咖哩 (放假，定到)
- 星星仔 (7月6日通知調到更嘞，好嘢！)
- 星星女 (7月5日通知唔嚟得，真可惜)
- 老婆仔 (已調放假，必到)
- 小鴻 (放假，必到)
- 文迪 (7月3日電話登記報團，已調放假，必到)
行程請按此連結
註：由於我架車已打柴，所以出發當日只有兩架車，最多共可接載12人。
因現在車已爆滿，如再有人想報團，請預早通知，待大會睇下可否再準備多架車，或有機會多出的團友要自行坐車嘞。
訂閱：
文章 (Atom)
Since 27 APR , 2007
