手機亂拍

博覽館巧遇壁虎BB，好趣緻

雲似籮旋型，即拍！

巴士上，陽光普照，又拍！

沙螺灣

再接再厲，今日由侯王宮起步→"石散"頭→田心→較寮→鱟壳灣→沙螺灣→沙螺灣涌口→把港古廟為終點，去程大約兩小時，而回程因沒有停頓，用了約個半小時，全程用了三個半小時，講真都幾辛苦，行到腳仔軟，其實我回程所用的時間，同繼續去大澳差不多，不過我希望留待同大家一齊去，所以原路折返，大家睇下有冇興趣吖，但係必定要帶備足夠物資，我帶兩樽水都唔夠......

今日所見：有地方掘蜆，近距離影到招潮蟹、彈塗魚、人面蜘蛛，回程時遇到約有廿架單車斷斷續續迎面駛來，相信是向大澳進發的。

另外感受較深的是替沙螺灣村的村民有點不值，本來一個寧靜的村落，因新機場的關係，每數分鐘都有飛機升降的聲音，很是嘈吵的.........

尚有更多照片，觀看請按 此連結

(因為相機冇電，影得比較少，下次一定要補返先得！)

東涌古堡與黃龍坑

放假最後一日，今日探埋東涌南面山路，東涌古堡→上、下領皮→赤立角新村→天后宮→低埔新村→黃龍坑→馬灣村→東涌新市鎮。

而今日收穫有：於屋企樓下影到石龍子比大家睇下，低埔村附近有一天然游泳池、赤立角村可燒烤、黃龍坑徑可連接伯公坳、大東山、南山、黃龍坑瀑布等地。

今次唔會多作介紹，有機會一齊去體會吖。

欣賞更多相片 請按此