2007年6月23日星期六
討厭領匯！
舊年五月，村內停車場當時仲係由威信管理，租金每月HK$840，誰不知領匯一接手(因領匯外判，現時實際仍然是威信管理)，即時二話不說，減少車場員工外，更在2006年七月將租金提升為HK$920，升幅達9.5%。小市民當然無力反抗，今年領匯又公佈會再加價，更不理會早前有部分車主連同議員到領會門外抗議反對，堵塞其停車場等等，一様照加！今年七月，我泊嗰個停車場就會加到HK$1100嘞！今次升幅有成19.5%！如果同06年比較，兩年累積已加了31%，認真理得你死活！
政府呢幾年嘅得意之作中，相信領匯上市會係其中之一，一味話要維護股東利益，不理會民間疾苦，縮減資源，降低服務質素，無論街市、商場、停車場都不斷加租金，好似唔休冇得做，你唔租自然有人租，務求趕走啲舊客，引入啲大集團同啲肯比錢嘅人，最緊要股東有利益，領匯大股東係邊個？香港政府囉！(雖然現在大股東已非香港政府，但我就唔信政府冇干預或無權干預！)
呢次真係深深咁領會到香港政府點樣體恤民情，領匯呢個名，改得好呀，你同政府反映咩，佢又答你領匯已經上市，政府無法監管，你同領匯提出？佢又話要維護股東利益，唉.....神又係你，鬼又係你，既然香港政府要咁趕絕啲小市民，不如索性設立一啲貧民區啦，我估小市民會開心啲，起碼唔使比你趕，又唔使估你下次用咩招數迫啲小市民，心理壓力少啲，人都健康啲，真係.........
政府呢幾年嘅得意之作中，相信領匯上市會係其中之一，一味話要維護股東利益，不理會民間疾苦，縮減資源，降低服務質素，無論街市、商場、停車場都不斷加租金，好似唔休冇得做，你唔租自然有人租，務求趕走啲舊客，引入啲大集團同啲肯比錢嘅人，最緊要股東有利益，領匯大股東係邊個？香港政府囉！(雖然現在大股東已非香港政府，但我就唔信政府冇干預或無權干預！)
呢次真係深深咁領會到香港政府點樣體恤民情，領匯呢個名，改得好呀，你同政府反映咩，佢又答你領匯已經上市，政府無法監管，你同領匯提出？佢又話要維護股東利益，唉.....神又係你，鬼又係你，既然香港政府要咁趕絕啲小市民，不如索性設立一啲貧民區啦，我估小市民會開心啲，起碼唔使比你趕，又唔使估你下次用咩招數迫啲小市民，心理壓力少啲，人都健康啲，真係.........
2007年6月22日星期五
架車返嚟喇
我架老爺車繼早前冇電、漏軚油、嘔偈油後，早排又一新作：行駛途中自動死火，經典嘛？最初我以為係自己技術問題，點知情況越來越頻密，於是又再一次於6月4日送佢入廠，師父睇過後發現某地方滲漏偈油，換過啲油氈、揸口，應該好快攪掂，誰不知師父拆拆裝裝，裝裝拆拆，越整越唔妥，搵嚟搵去唔知邊到渗漏，如是者一日一日咁過去............
上星期我再致電師父說：『算喇，如果攪唔到就唔好整喇，架車本身唔係貴，我唔會比太多錢出嚟整，你交返架車比我啦。』
修車師父答道：『架車令我好頭痕，我拆裝完，踩一轉佢又漏，已經又拆開晒嘞，而家已經唔係錢嘅問題，冇理由攪唔掂嘅！』
我說：『據你所講即係唔止之前你所講嘅問題啦，如要加太多錢，我係唔會比架喎，唔好整啦。』
師父：『加幾舊......唔會加得好多，主要係比手工......』
我：『加幾舊整得返又冇所謂，你玩下啦，唔掂出聲呀！』
呢件事我覺得師父一係驚整唔掂冇錢收，一係真係比我架老爺車激起咗佢嘅鬥志............
終於，尋晚車房來電話話今晚攞得車嘞，間車房星期六、日、公眾假期唔辦公，扣減晒啲假期，足足整咗兩星期.............架車係咪真係整返好？試返一排話你哋知啦。
上星期我再致電師父說：『算喇，如果攪唔到就唔好整喇，架車本身唔係貴，我唔會比太多錢出嚟整，你交返架車比我啦。』
修車師父答道：『架車令我好頭痕，我拆裝完，踩一轉佢又漏，已經又拆開晒嘞，而家已經唔係錢嘅問題，冇理由攪唔掂嘅！』
我說：『據你所講即係唔止之前你所講嘅問題啦，如要加太多錢，我係唔會比架喎，唔好整啦。』
師父：『加幾舊......唔會加得好多，主要係比手工......』
我：『加幾舊整得返又冇所謂，你玩下啦，唔掂出聲呀！』
呢件事我覺得師父一係驚整唔掂冇錢收，一係真係比我架老爺車激起咗佢嘅鬥志............
終於，尋晚車房來電話話今晚攞得車嘞，間車房星期六、日、公眾假期唔辦公，扣減晒啲假期，足足整咗兩星期.............架車係咪真係整返好？試返一排話你哋知啦。
2007年6月21日星期四
2007年6月19日星期二
2007年6月18日星期一
生記粥品專家
幾年前，隊長帶我嚟呢間生記食嘢，記得當時我係叫咗碗清湯牛腩伊麵嘅，晤.......好味道！
之後，我就開始不時都嚟幫襯，在我第二次到訪時，我見到牆上除咗介紹清湯麵外，亦有介紹粥品，於是，就叫了一碗鮮牛肉粥試試，試過之後.......我每次嚟到生記都係食呢樣，不作他選嘞！
- 鮮牛肉粥 --- HK$20 (袖珍類)
- 鮮牛肉粥 --- HK$26 (單拼類)
- 清湯牛腩麵 ------ HK$18
- 清湯牛腩伊麵 --- HK$20
生記，位於上環，近孖沙街/禧利街，雖然上圖有兩間生記，其實兩間是靠在一起的，今日幫襯時，更發覺佢已經再擴充了舖位，門外亦貼上增加旺角分店的告示，恭喜恭喜，抵你嘅！
講返碗粥先，味精粥，粥底比以前稀咗，料好似冇咁足，但尤幸仍然係好味嘅，牛肉好鬆軟，好好咬口，最緊要係佢附帶嗰碗薑葱豉油，用嚟點牛肉，好味道呀！最衰我唔係好喜歡食魚，因為我一直覺得呢碗豉油點魚最正！如果你好魚的話，我建議你叫碗鮮鯇魚腩粥，應該好好味。
註：生記星期日休息，平日食晏時間十分多人，另如堂食12:30前離坐結賬或14:30後入座的話，每碗粥照價減HK$3，可以的話選擇呢啲時間去，食都食得舒服啲。
幾難走得甩，照單全收吧！
傳聞前兩晚，有位人兄喺車上『以屁會友』，攪到當晚成車人精神為之一振，於是我就遍尋網上資源，睇下有咩方法可以令你哋避得過佢呢份厚禮，結果係.......幾難避到，接受把啦.......請睇片(條片矇就矇啲好過冇啦)！
2007年6月17日星期日
2007年足球隊名公投結果公佈
2007年足球隊隊名公投 ，已於6月16日截止投票，得票率如下：
綠豆六角: (13%)
UwillPay: (25%)
魔界獵人: (0%)
各志華夫: (6%)
AIR米蘭: (19%)
爸載聾麻: (19%)
轟畾二世: (19%)
Total Votes: 16
隊名結果由 UwillPay 奪得，多謝各位參與是次投票。
綠豆六角: (13%)
UwillPay: (25%)
魔界獵人: (0%)
各志華夫: (6%)
AIR米蘭: (19%)
爸載聾麻: (19%)
轟畾二世: (19%)
Total Votes: 16
隊名結果由 UwillPay 奪得，多謝各位參與是次投票。
訂閱：
文章 (Atom)
Since 27 APR , 2007
