2007年9月13日星期四

小熊貓與大熊貓



適逢即將到海洋公園,專誠搵條熊貓片比大家睇,比我發現呢條好攪笑,記得開聲同留意大熊貓,唔講咁多,睇片啦!

2007年9月12日星期三

山東餃子館 (長沙灣)

菜單及正門
蒜茸千層餅
抄手、混合餃
煎餃及麻醬拌麵


山東餃子館,位於順寧道及東京街交畀,店舖很細,只可容納約十多人(絕對不能超過廿人),所以在進餐期間,有不少食客外賣取走,單單餃子種類,已有13款之多,可淨餃、可配麵、可加清湯、可改為煎餃、亦可叫半客,全部即叫即製,今天我們兩人進店,點選如下:
  • 蒜茸千層餅 (HK$10),感覺如印度餅煎香,少量蒜茸味,不過不失之作。
  • 紅油抄手 (HK$16),可要求加辣,紅油雖少了點蒜香,但以此價錢有6只,味道亦OK,所以是值得一試的。
  • 帶子鮮肉餃 (半客HK$13),細細粒帶子加上豬肉製成,都係不過不失。
  • 蕃薯苗鮮肉水餃 (半客HK$9),未食過蕃薯苗的我,此餃帶來新鮮感,但沒有驚喜,合格之作。
  • 金玉滿堂鮮肉水餃 (HK$18+HK$2),因改煎餃,加了HK$2,此餃由粟米及豬肉組成,煎後香口,肉汁亦被封在餃子中,可能因此關係而令餃子略咸。
  • 麻醬拌麵 (HK$15),麻醬不糊口,拌上青瓜,熱辣辣食,竟有點像炒油麵,好滑,如你到訪此店,必食之選!
  • 自磨豆漿 (HK$5 x 2),好特別,一啲都唔甜,喜歡甜豆漿嘅朋友,唔需要叫嘞。

總結:埋單HK$93,冇諗過會食HK$9x,食之前預算HK$70以下,但好飽,餃子皮薄,細細隻,一啖入口,豬肉亦新鮮,但間中會食到微細骨碎,餃子選擇多,且配搭亦十分自由,鄰桌叫九隻紅油抄手都得,唯獨環境一般,進食期間,有小烏蠅在店中飛舞,上菜亦頗慢,餃子中上水準,麻醬拌麵必食之選。

維拉里爾 vs 皇馬 (02-Sep-2007)



專誠搵返呢段片比大家睇下,當日維拉主場,皇馬新星史奈達(23號)翌日被當地球評家評為擁有:

  • 施丹的致命傳送(第一個入球由佢傳給魯爾射入)
  • 碧咸的百步穿洋(第二個係由佢主射罰球,直接得分)
  • 雲尼斯達萊的射術(第四個入球)

    最後皇馬客場以0:5大勝維拉里爾,睇完片後,大家認同球評家對史奈達的評語嘛?

2007年9月11日星期二

維記咖啡粉麵 (深水埗)



早已聽聞維記以豬潤聞名,再加上早前領隊豪亦推介,尋日下午,決定一試!
維記至今,已於同一條街開了三店,主要供應,米粉、公仔麵(網友話用大光麵)、配料有餐肉、旦、香腸、牛肉、豬潤等等........另有多士、咖啡、奶茶、利賓納等一般水吧飲品,單拼粉麵HK$18,而雙拼則HK$20。而我就叫了以下兩樣:
  • 潤牛米 (HK$20)
  • 熱鴛鴦 (HK$10)

全場食客,九成以上會點豬潤,當服務員放下潤牛米在我面前時,我心裡在想:『嘩!個賣相咁差嘅!?』,而平時喜歡加大量調味料嘅我,今次什麼都冇加,先飲一口湯,好甜!再食豬潤,好緊張呀,喂!真係得喎!以往食嘅,會仲有少少血、少少苦、有血腥味同潺潺地嘅感覺,呢度絕對唔同,要用爽甜嚟形容,好食!牛肉同鴛鴦都一般,不過不失,另我估個湯都落咗幾多薑,因為單單喺我個碗都搵到三舊。

總結:份量唔細、價錢唔太貴、除賣相差啲外,招牌豬潤的確好味,如果你喜歡豬潤,呢間必試,如你不甚喜歡的話,維記可能會令你改觀......

2007年9月10日星期一

真係幫得手



充分發揮互助精神,抵讚!

萬千師奶賀台慶


詹瑞文又有新騷,有興趣就早訂飛喇,八五折呀!

Terminator vs. Robocop



今次搵咗套電影比大家睇下,片長6分幾,你估下邊個係最終勝利者吖。
AddThis Social Bookmark Button
AddThis Feed Button

代客張貼服務

將你想發表的內容及網名Email到airjcc.learnthai@blogger.com 便可代為張貼閣下的文章於本網站。(更多說明請參閱標籤中的網頁功能)
Palacan!部落格聯播

Since 27 APR , 2007

Blog Flux Directory