UwillPay 下場比賽日期

致各隊友，A組比賽時間表已經全部出齊，而我哋下場比賽會喺八月十七日晚，6點至7點於摩士公園3號場舉行，對手係 Ghost ，各位請繼續努力！爭取首名出線！UwillPay 必勝！


註：因本人當晚要去九龍灣睇張敬軒演唱會，所以最多只可參與半場，請各位見諒。

坪洲探路之旅

致各團友，因七、八月有大型活動及足球比賽關係，所以遊樂團在這兩個月都未能擇得吉日辦團，適逢小弟今天有時間，所以先行往坪洲探一探路，以下為一些坪洲照片：

愉景灣往坪洲街渡，都幾多遊人呀
坪洲街渡碼頭
大利島，污水處理廠亦建於此島
大利島洲仔橋，工人手推車是電動的
大利島上的石，有啲似蒲苔靈龜石
北灣往釣魚公路上
往釣魚公路上遇到的
東北面的釣魚公，被兩隻麻鷹盤據着
大龍村
東灣，我覺得水質最靚
手指山頂遠眺坪洲及愉景灣
手指山上青馬及迪士尼的景色
遠眺港島西南及九龍西海岸線


今天行程：

東涌→愉景灣→稔樹灣街渡碼頭→神樂院瑪頭→坪洲碼頭→大利島→仙姊廟→北灣→釣魚公→發射站→大龍村→東灣→市集→手指山→市集→碼頭→稔樹灣→東涌

下午13:20分從東涌出發，回程18:58分返回東涌，全程約5個半小時。
由東涌坐巴士往愉景灣車費HK$8，車程約18分鐘，由愉景渡輪碼頭步行往街渡碼頭約需10分鐘，而坐街渡往坪洲亦只需十多分鐘，船費HK$5，不過今天我坐的那班會在中途加停神樂院的，行程約多了五、六分鐘罷了，到了坪洲，感覺跟長洲差不多，有很多食店、有超市、有銀行、綜合大樓、公屋、島上的居民都在市集聊天、遊客，與蒲苔那種了無人煙感覺截然不同。
由碼頭向左，經洲仔橋到達大利島，有不少怪石在東方岸邊，原來這裡是舊珊瑚礁所在地，真不明白為何污水處理廠會建於此，離開大利島，沿北灣山路往釣魚公，此處頗多斜路，但尚算易行，因為全條路都是有行人徑的，到達釣魚公，發現被兩隻麻鷹佔據整個山頭，型！之後繼續行程，大龍村、東灣、龍母廟、再回到市集的時候已經是下午四點多，於是速速找尋祺森冰室蝦多士下落，沿途搵吓又問吓，終於嚟到祺森門外，當時約四點半，唔係下話！？門外已掛上休息牌！及後問過當地人，原來祺森收四點，下次識做啦！今次唯有到別的食店，在青草地餐廳飲了生薑黑豆漿及芒果鮮奶和一些小食後，到超市略作補給，再上路到手指山去，其實都十分易行，但指引就十分唔清晰，在分岔路上要問人先知，在手指山最高點『鳳萍亭』，港島西南面海岸、九龍西面海岸、喜靈洲、周公島、青馬、迪士尼、愉景灣、坪洲本島，全部景色360度任意觀賞！
總結今次旅程是易行的，不過今日比較熱，要飲十分多水，而坪洲海風亦不及蒲苔般涼快，唯補給真真十分方便，另要注意大部份店舖晚上六點前便關門，如各位有興趣的話，本人可作導遊，組團前往，但要在九月或以後嘞，抑或大家想去浪茄+破邊洲呢？比啲意見我吖。

觀看更多坪洲照片 請按此

UwillPay 射手榜

• 華仔..........5球
• 阿弟..........2球
• 隊長..........1球
• 癲豆..........1球
• 雷健..........0球
• 小馮..........0球
• 立仔..........0球
• 拍七..........0球
• 仲嚟..........0球
• 租樓..........0球
• 黑葉..........0球
• 大蝦..........0球
• 大力..........0球
• 領隊豪.......0球
• 史提夫.......0球

* 資料更新於8月30日。

請尊重表演者

請尊重表演，表演途中，切勿講電話。

空中控球及轉身竅門

↑控球，係踢足球嘅基本技術，除了用手外，身體每處都可控球，秘訣係控球時要懂得卸力，上圖呢位示範員久經訓練，身體各部份控球停球都絕無難度，對於熟練嘅球員，要研究嘅反而係用邊部份控停才最具優勢，睇下示範員，佢用呢度控嘅好處多的是：肌肉柔軟，卸力速度快、保護面積大，整個屁股一直護住個波、而最大嘅好處係，遇上好似上圖呢種讀過吓書嘅後衛，會擰歪面，非禮勿視嘛，咁就有大把時間比你控低個波啦。

大家還需留意示範員個口係緊緊合埋，如用呢個部位接球的話，千祈咪張開口抖氣，如一洩氣，後果自負......

註：示範員係接受過專人訓練，小朋友切勿模仿。

↑控定咗，要開始轉身嘞，主要都係要攞身位先，護住個波，轉身！大家睇下上圖個七嘅仔，佢流露出驚嘆嘅表情，一方面佢知道隊友要使出轉身絕技，一方面佢對對方球員已產生憐憫之心，點解？請睇埋落去.....

↑馬步要穩，非控球腳做重心，雙手仿似操兵咁作平衡，擺動蛇腰，但仍要保持心情平和，呢個示範員同之前教斬波嗰個一樣，望住個波嗰時都係面帶笑容嘅。

↑承上圖做出隨擺動作，上身(雙手)盡量伸展，留意示範員右手拳頭，冇錯，食指突咗出嚟，有習武或者有睇開暴力漫畫嘅都知道...係鳳眼拳！而下身亦發力作勢朝皮球方向踢出。

↑唔駛踢到個波嘅，睇睇示範員，對方一心以為示範員轉身係為咗踢波，但萬料不到，原來佢發盡全力轉身，唔係踢個波，而係一個鳳眼拳打對手一嘢，再連消帶打，一踭打落對方肚皮，嗱！咁咪可以成功輕輕鬆鬆轉身再帶波向前囉。

學到未？未？比心機啦！

UwillPay七一六比賽外傳

見大家反應咁好，比多兩段片你哋睇下：



↑呢段就係上半場第一球入球片段嘞，大家睇下呢班友仔，影唔到入球，竟然諗住搵人扮慶祝就算，哼~



↑呢段係上半場第五個入球，評論員試圖解釋Up Side，結果就係嗰個評論員喺度噏西噏西、噏東噏西，嗱！又影唔到嘞！

UwillPay第二場再勝利 (第三集)

下半場開始，我隊換出阿馮、華仔、雷健、仲嚟，而換入嘅有拍七、立仔、阿葉與及癲豆。
攻勢仍然是我方較旺盛，各球員嘅入波慾念似乎未止。


第三集：下半場精華片段

↑中場休息，領隊豪即場訪問。



↑下半場精華，同場加影『施丹轉身』，朋友，學嘢係時候嘞！


下半場我方攻勢未止，最後由豆豆將比數改寫為六比零完場，順帶一提，此入球過程係由我隊人稱『前鋒孖寶』創造而成，先由拍七左路交出，豆豆接應撞入，而呢球亦係豆豆自參加公司賽九年來嘅第一個入球，大家知佢有幾開心啦。

更多今晚相片 請按此連結

各位隊友，下場比賽會對 Ghost ，大家繼續努力，爭取首名出線呀！

返回第一集 請按此

UwillPay第二場再勝利 (第二集)

上半場終於開始，今次首先出場嘅有：

• 龍門..........史提夫
• 右後衛.......雷健
• 左後衛.......隊長
• 左中場.......仲嚟
• 右中場.......阿弟
• 影子前鋒....華仔
• 正前鋒.......阿馮
  

第二集：上半場精華片段

↑上半場一開波，我隊已經佔盡優勢，而入波只係時間嘅問題。

↑連入三球！可惜的是.......只影到第四個入球比大家睇。

承上，我方球隊於上半場佔盡九成以攻勢，而於完上半場時已經五比零，入球次序下列：

• 第一球→華仔
• 第二球→隊長
• 第三球→華仔
• 第四球→阿弟
• 第五球→阿弟

以下為隊長之精彩入球，完全反映出隊長嘅技術同胆色！

*睇完連環圖大家有冇發覺，本來36號條友仔係想喺遠柱接應隊長傳出，用頭搥頂入嘅，點知隊長已經自己射入，所以呢球真真正正名符其實係.........冇得頂呀！隊長！


繼續觀看第三集 請按此

UwillPay第二場再勝利 (第一集)

UwillPay 球隊今晚比賽再宣佈勝利，全取3分，而計得失球差，暫列A組榜首，實在可喜可賀！
今晚多得領隊豪，放棄落場，專注於拍攝影片下，我哋擁有大量短片，因篇幅有限，今次分為三集，為大家送上今晚精華！


第一集......賽前準備：

↑睇下我哋嘅球員係點熱身？個個輕輕鬆鬆，但有啲就似足一匹野馬！



↑領隊豪教你學踢波！



↑領隊豪一學完踢波，即時教各位踢波！



↑快將開波，介紹我哋今日對手，及本隊各猛將！

繼續觀看第二集 請按此

有冇需要咁趕時間呢？

好險，千祈千祈咪學。

的士抗議機管局

小弟昨晚 1：40分(7月14日晚/15日零晨)放工坐公司車回家，當車一駛到富豪酒店迴旋處附近，就不能再前進，很多的士在前面堵塞道路，當時我們全車共十位同事，雖然知道已有警方介入，但等呀等，仍然毫無進展，到了零晨1點56分左右，有七人(包括我)終於決定落車尋找其他方法離開，最後到了大樓的士站，分成兩部的士(沒參與行動的的士)離開，一日未出到大路一日都未走得甩，因為首先的士大佬要另尋車路，不能行走正常路線，有部分仲要逆線行車，你都咪話唔危險，行行下仲驚，見到遠處有十幾廿輛的士快速倒車行駛，似乎想堵塞其他出入口，好彩我哋架的士都順利離開，而我亦係比平時遲約半小時回家罷了。

返到屋企上網一睇，原來早在晚上十一點已有約一百架的士準備此抗議機管局更改泊車地點及收費安排，唉，誰對誰錯，我不敢評論，之但係阻住其他市民就真真令我反感。

另在此亦要多謝載我哋衝出重圍嘅嗰位的士大佬，多謝晒！

*星島報導*