小弟昨晚 1：40分(7月14日晚/15日零晨)放工坐公司車回家，當車一駛到富豪酒店迴旋處附近，就不能再前進，很多的士在前面堵塞道路，當時我們全車共十位同事，雖然知道已有警方介入，但等呀等，仍然毫無進展，到了零晨1點56分左右，有七人(包括我)終於決定落車尋找其他方法離開，最後到了大樓的士站，分成兩部的士(沒參與行動的的士)離開，一日未出到大路一日都未走得甩，因為首先的士大佬要另尋車路，不能行走正常路線，有部分仲要逆線行車，你都咪話唔危險，行行下仲驚，見到遠處有十幾廿輛的士快速倒車行駛，似乎想堵塞其他出入口，好彩我哋架的士都順利離開，而我亦係比平時遲約半小時回家罷了。
返到屋企上網一睇，原來早在晚上十一點已有約一百架的士準備此抗議機管局更改泊車地點及收費安排，唉，誰對誰錯，我不敢評論，之但係阻住其他市民就真真令我反感。
另在此亦要多謝載我哋衝出重圍嘅嗰位的士大佬，多謝晒！
*星島報導*
沒有留言:
發佈留言