iPod touch

既然大家都對iPod touch有興趣，搵咗條片比大家睇下，日本直擊報導。
↑呢條日本片貼咗兩日已經比Youtube洗咗，所以我已貼上另一條官方片段↑

巴士相片Show

Painted Buses - The most popular videos are here

睇下巴士相片Show，可能有啲你喺街都見過。

有冇諗過用呢種方法釣魚呢？

Girl Catches Big Fish - Click here for more home videos

各位釣魚高手，厲害嘛？

Lovely Bear

無意中喺網上世界搵到，覺得好啱我用：

各位梁太之友：『我好愛你哋呀~』

Linkin Park Live in HK

尋日由網友咖喱提供嘅傳聞，今日已經變為事實嘞，因為亞洲博覽館於官方網站已出正，Linkin Park 會於今年 11 月 20 日來港獻唱，好嘢 ~

雀仔的智慧

睇完片，你會發覺原來雀仔都與時並進，醒！

沙嗲王 (荃灣)

很久以前曾經到過觀塘的沙嗲王，冇特別感覺，荃灣呢間都係第一次去，發覺它們在裝修方面，下了不少苦功，經過樓下接待大堂，先取飛仔，再乘升降機上二樓，機門一開，首先見到一個海盜坐在門前，坐位設計亦頗特別，是一個木桶來的，女仕如穿著裙的話，就冇咁方便，因為要提起腳才可入坐的啊。而今日都係兩人進餐，點了以下菜式：

• 自選至潮套餐 (HK$42) - 有好多款，我哋選咗鮮茄芝士焗餃子(6隻)、脆蝦棒(半份)、凍奶茶，可能因為我喜歡食蕃茄同芝士的關係，覺得個餃子都幾得，蝦棒亦過得去。
• XO醬炒蘿蔔糕 (HK$39) - 不過不失，XO醬少咗啲，蘿蔔糕啲蘿蔔唔夠多，但勝在剛炒起，熱辣辣，況且以呢個價錢，份量又唔細，其實係值得食嘅。
• 椒鹽魔鬼魚 (HK$19.5) - 完全冇椒鹽味，魔鬼魚又冇味，下次唔會再叫。
• 芝焗一口貝 (HK$29) - 共8隻，扇貝頗細隻，味道都OK嘅。

總結：埋單 HK$143，但我哋有 HK$16 Coupon ，實際只係 HK$127 ，加上凡惠顧20元，就可以有 $2 Coupon 比返你下次用，呢次我哋就拎返 12 元 Coupon嘞，價錢方面都OK吖，裝修幾特別，食物種類多選擇，雖然用料一般，但勝在即煮即上，熱辣辣，抵消晒，要批評嘅係服務員都幾大頭蝦，單單上錯菜到我哋張枱都有四次之多，可能多人客掛........ 總括而言，係值得去光顧嘅，起碼我會再去。

麥當勞的早餐

轉貼過咁多影片比大家睇，今次轉轉口味，睇篇文章吖，來自朋友的 Email ，寫得幾好，請 按此 欣賞下啦。

注意：背景音樂都幾大聲，開定個音量『播放控制』準備閂細聲個 MIDI 佢，唔係夜晚開會嘈親人架。

Outback (愉景新城)

正門
周打魚湯及洋蔥湯
12oz 肉眼扒 加 四燒蝦 (主菜)
芝士薯條 (前菜)
黑麥包

位於愉景新城的Outback，主打澳洲菜，今晚兩個人點了以下食物：

1. 黑麥包 (免費) - 唔需要叫的，點好菜，服務員就自動奉上，個包暖暖哋，甜甜哋，未搽牛油已經幾OK，搽完牛油，仲好味道，推介。
2. 芝士薯條 (HK$56) - 薯條(連皮)炸好加上芝士及煙肉，另有沙律醬比你點，開始食覺得唔錯，食食下就覺得好『漏』下。
3. 12oz安格斯肉眼扒 (HK$236) - 原本HK$216，我叫咗個HK$236嘅就多四隻燒蝦，另外有個洋蔥湯、任選兩款伴菜，我哋選咗甜蕃薯及什菜，肉眼扒七成熟，好新鮮，但味道只覺一般，四隻燒蝦就非常好味嘞，咸咸哋又夠惹味，正！什菜用牛油炒，OK啦，甜蕃薯就出奇地咁好味喎，好甜好好食。
4. 周打魚湯 (HK$36) - 因為個餐只得洋蔥湯，所以叫多一個周打，料好足，不過咸咗啲，同洋蔥湯比較的話，洋蔥湯更勝一籌。

總結：環境幾好，服務員有禮，其他食物比扒好味道，前菜除芝士薯條外，仲有炸洋蔥、磨菇等，但兩個人食的話，真係幾『漏』，建議起碼有四個人以上先好去食，今次埋單連加一共銀 HK$360.80 ，略略貴咗啲啦，不過好飽，啲嘢都未食晒就走嘞。

另外，呢間 Outback 除咗係扒房，仲係一間酒吧嚟。

香蕉船 及 Wakeboard 教學

上香蕉船都要講技巧，片中就有齊成功同失敗嘅例子嘞。


Wakeboard 起水教學，有興趣嘅真係要學下嘢，不過唔包滑行.........

南風灣影片有得睇喇

尋晚放工收到影片，急不及待為大家制作，時間有限，求其下載咗個軟件，做咗條廿幾分鐘嘅片出嚟，因為此軟件係共享軟件關係，大家係會見到有一行字打斜角咁擋一擋，不過都睇得到嘅，一齊感受(或回憶)下當日我哋喺 南風灣 嘅情況吖！

請雙擊下圖去片

Hosted by eSnips

因片長關係，開影片後，宜先按暫停，等段片Load一半先開始按Play嚟睇，咁就會睇得暢順啲，喺等待嘅時間當中，不妨開另一個視窗，返嚟梁太睇下其他嘢先囉。

空中巴士 A380

空中巴士 A380 昨晚6時30分從曼谷飛抵本港，今日原定早上7時30分在香港國際機場起飛，並會在低於二千呎上空環繞香港一周，與香港市民見面，於是我7點25分抵達東涌觀景亭準備拍攝比大家睇，誰不知要等到7點53分，A380才出現，好彩都拍到，影像係細咗啲，但係係梁太獨家喎，欣賞下吖，特登拍比你哋睇~

破邊洲之旅---改期

各位有興趣參加破邊洲嘅團友請注意：

破邊洲之旅現由10月3日，更改至10月12日(41週星期五)出發，而行程計劃表現正統籌備當中，有興趣嘅朋友仔請準備調更嘞。

另外，9月17日坪洲之旅將如期舉行，出席團友及行程表 請按此

Bianca Ryan

麻煩你先開喇叭，按Play播放影片，合埋雙眼，聽下佢唱歌，幻想下演唱者係咩樣？

厲害！讚！Amazing！