閉路電視

上圖是一星期前在港鐡港島線某列車某車廂中影的，圓型物體下的字體是『車廂閉路電視測試中』，究竟此閉路電視有咩作用呢？防止罪案？阻客作用？阻嚇作用？紀錄？提升服務？幫助有需要嘅人？

雖然我冇答案，但相信離無人駕駛之期不遠了...

如何令BB唔喊

唔需要識日文都睇得明，不過都要開喇叭喎。

要做手術嘞

同大家匯報下病情進展先，初步已經預定在7月19日入院進行手術，點解話係"初步"呢，因為主診要我清晒所有幽門螺旋菌先可進行該手術，而我今日已進行了吹氣測試，下個星期一就知係咪鐡定7月19日做手術嘞。
而該手術會進行兩小時，用微創開四個窿，將因抽筋而收縮的食道部分之上及下各界開約2cm (更正：原來係上面界4至5cm，下面界2cm)，令該食道得以放鬆，手術完畢後需住院三日，之後"最少"要在家休息兩星期。
據主診講，手術後，五年內有10%機會會翻發 (因界開部分埋口而翻發，如翻發則需再做同樣手術或撐波仔)；5%機會會有胃酸倒流。
另外，今次我將入住山頂嘉諾撒，地點較為偏遠，各位唔駛嚟探我喇，我知大家有心就得嘞，手術必定會順順利利，我亦會好快健健康康咁同大家繼續遊山玩水的，請放心。