朋友，起舞吧！

坪洲簡介

坪洲是大嶼山愉景灣對面的一個小島，面積大約一平方公里，約有一萬名居民，渡輪碼頭一帶為住宅區，其餘主要分為北灣、南灣和東灣三部分。

島上頗多著名廟宇，如龍母廟、天后宮，登上南灣的手指山，可鳥瞰整個坪洲，遠眺港島南岸，補給方面十分便利，而歷史悠久的鳳香餅家工場亦建於此，順帶一提，足球員李健和亦是坪洲居民呢。

交通方面，可從中環出發，或在愉景灣乘坐街渡到達，且船期頗密，約四十五分鐘到一小時都有一班。

• 簡介完畢，各位睇睇有冇興趣組團去啦。而暫定去嘅日期為零七年8月22日，星期三。如有興趣去嘅話請聯絡我吖，如有五人以上參加，立即計劃組團出發。

1. 著名蝦多士 連結一 、 連結二
2. 坪 洲 網 連結
3. 渡輪及街渡 連結
4. 7月21日坪洲探路之旅 連結

各位請注意：由於8月22日另有活動舉行，所以坪洲之旅將會改期，草擬日期將會遲些公佈，如對閣下做成不便，梁太謹在此致歉。

新草擬日期(9月17日)請按 此連結

照片共賞

一場比賽，每個人都應該要十分專心嘅，但大家又知唔知上面兩幅圖片中邊位最專心呢？冇錯！就係在左手邊橙柱旁白衫黑衭嗰位女仕，無論隊長幾靚仔、開罰球動作有幾優美，呢位女仕都毫不動容，繼續專心傾佢嘅電話..........



記得到蒲苔島當日，有團友問我：『你估呢度有冇得上網呢？』，相信聰明嘅你，已經搵到答案啦，上圖呢間屋嘅屋主咪黑客囉，咁點會冇得上網呢？



我將呢幅相改咗名做『你情我願』，你睇下，淺色帽嗰位人兄心甘情願咁舉高隻手比深色帽條友仔影格啦底！唉...而家啲人嘅癖好真係特別.......

呢張叫『三個人的早餐』，試下放大睇睇人數嗰欄，三個人竟然叫咁多嘢，勁！

食熱狗最緊要係咩呀？

2007年活動咨詢

梁太遊樂團2007年活動暫定如下：

• 蒲苔島←蒲苔島之旅已於7月10日完滿結束，此旅程後本人希望各位略作小休，所以想選擇坪洲為下個旅程。
• 坪洲←「週次34，8月22日(星期三)」←已鐡定於38週，9月17日(星期一)，選擇此點原因係八月天氣頗悶熱，不太適合挑戰過激山路，坪洲面積較細，且景點易行，民風樸素，沿途補給站多的是，加上交通方便，中環、愉景灣皆有船抵達，而此程目的參觀舊村風土人情及遊歷坪洲一些境點，如手指山等 。(已完滿結束)
• 破邊洲←有幾位朋友曾經提及此境點，本人希望九月或十月可組團出發，到浪茄最好在夏天出發，欣賞其山水美境，但旅程需負出較多體力，八月的話，恐防太熱，所以選擇夏秋時份。 ←已更改為：41週，10月12日(星期五) (已經完滿結束)
• 昂平←希望十一月可成團由山路上昂平，但必須注意，此程亦頗為辛苦，所以選擇秋季出發。↑因360吊車停駛，又影少樣嘢，加上較為辛苦，故改行程為：新娘潭至烏蛟騰，有行人徑易行，又有兩個瀑布，應該好靚，好想去。↑因12月缺少雨水關係，新娘潭之旅現更改為釣魚翁 (已經完滿結束)

以上只是本人構思當中嘅旅程，當然需要各位積極參與，梁太才能成團，請發表閣下意見如：你想到的旅遊點呀、你希望出發日期呀、你對以上境點嘅睇法呀，諸如此類，等等等等等。

感人廣告

雖然之前已經睇過，但再睇都覺得好正！

專家教你點斬波

1.望清楚想斬出嘅正確位置

2.休高條衭，睇下對腳係咪自己嘅先

3.望實個波，咪比個波走咗去

4.提起右腳時，必須提起左手

5.斬完記住即走，斬得差都唔駛比人鬧

點？學識未？大家唔好剩係學示範員嘅腳部動作，本課程其實係想大家學懂踢波應持什麼心態，各位請留意示範員嘅面部表情，由頭到尾都充滿笑容，你哋話就算佢斬得幾差都好，有邊個會忍心去鬧佢呢？知道未？

蒲苔島之旅

今日天朗氣清，實是天公造美，我哋十一人按原定計劃入蒲苔島，當抵達香港仔後，先去太興食早餐，唔知係咪心情靚，覺得個早餐好好食，特別係個炒蛋.........正！

由香港仔到蒲苔，船程大約50分鐘，全船除咗我哋，十隻手指數得晒，到達蒲苔後，因為我哋唔太識路，所以臨時更改行程為：碼頭→古代石刻→佛手涯→南角咀→126燈塔→靈龜石→僧人石→天后廟→折返碼頭。

沿途海天一色，雖然今日氣溫頗高，但可能我哋路線近海，唔覺得太熱，海風吹至，十分舒服，我就十分滿意嘞，唔知各團友感覺如何呢？

以下同大分享部份相片吖：

古代石刻，都幾模糊
佛手涯，幾似
南角咀，香港最南嘅陸地
靈龜石與僧人石，最似呢個
我覺得似足黑猩猩望住對面個山
我幫佢改咗名做『包、剪、揼』
126燈塔，香港最南嘅燈塔
南中國海
南氹灣
好紅呀
石磨
響螺石與天后廟
載我們的船
担干，位於中國境內


觀看本人拍攝之照片請按 此連結
觀看咖喱拍攝之照片請按 此連結
觀看仲嚟拍攝之照片請按 此連結
觀看拍七拍攝之照片請按 此連結
觀看水爺拍攝之照片請按 此連結
觀看小鴻拍攝之照片請按 此連結
觀看華仔拍攝之照片請按 此連結


另本人喺度再次多謝各團友積極參與，令本人得以享受今次愉快旅程，多謝各位！

UwillPay 頭場勝利！

終於到咗比賽日，我哋跟對手PMD因被編為A組頭兩隊，所以今場係公司足球賽嘅頭場，18:00兩隊球員同攪手先嚟一個大合照，攪手主持開球儀式後，球賽正式開始！

團體照(拍七揸機立仔未到，冇入鏡)


我隊首先出場球員有：

• 史提夫(龍門)
• 大蝦 (後衛)
• 隊長(後衛)
• 華仔(右中場)
• 阿弟(中場中)
• 尊尼(左中場)
• 拍七(正前鋒)
  

開賽早段，雙方先摸索對手實力，形勢有點膠着，五分鐘後，形勢開始對我方有利，大部分攻勢都由我方發動的，時間上半場十三分鐘，拍七出場換入雷健作正前鋒，繼續加強攻勢，就在約十六分鐘左右，PMD一個反擊，突破越位，成單刀射穿我方龍門五指山，將比數改寫成 1 : 0 ，尤幸的是，我隊未比此入球打亂陣腳，到了上半場十九分鐘，我方在左路取得界外球，隊長使出手榴彈戰術，華仔成功接應在小禁區勁抽入網，將比數追平 1 : 1 ，上半場廿一分鐘，尊尼調出，換入小馮作正前鋒，將雷健放後一格，負責右中場位置，而華仔就轉往左路搵食，但比數再冇改變，上半場(25分鐘)一比一完場。

阿弟斬角球，華仔準備用掃把腳熨入一刻，大家留意對方8號由頭到尾完全冇任何動作.........

入波！一比一！

↑UwillPay 第一球入球連環圖

下半場甫一開始，雙方互有攻守，但攻勢仍是我方佔優，過了十分鐘左右，雷健被調出，換入立仔作正前鋒，小馮退後作右中場，我哋嘅努力終於喺下半場約十五分鐘得到回報，阿弟在中前場交出一直線球將對方後衛完全撕破，成功將皮球交到華仔腳下，而此時華仔加速突破，形勢頓成半單刀狀態，華仔亦不負眾望，將比數射成 1 : 2，此球之後，PMD加強攻勢反擊，到了約十九分鐘的時候，更有單刀機會射門，幸好史提夫身手了得，撲出將皮球緊緊的抱入懷中，力保不失！下半場廿一分鐘，調出阿弟，換入租樓此位攔截中場，務求專注防守，將比數維持，到下半場廿五分鐘，球場証鳴笛完場，UwillPay 終以 1 : 2 擊敗 PMD ，全取3分，我方全隊球員都開心躍起！勁！

華仔單刀，不負眾望，將皮球送入對方龍門！1 : 2 ~

↑UwillPay 第二球入球連環圖

在此多謝球隊各位成員全力以赴，取得今場勝仗！繼續努力呀！爭取A組首名出線！

提提各位：下場比賽，7月16日，7:00pm~8:00pm，對手 APM。

更正啟示：有關第一球入球，之前資料錯誤，正確應由隊長開出畀外球，而不是由阿弟開出角球，在此小弟向隊長致萬二分歉意！

日本整人節目

套片睇落好多年前，不過都幾好笑。

分nny V啲噢

輕鬆下啦！香港人！

戲劇細胞

真係充滿戲劇細胞，有內心戲，完全唔需要對白！勁！

摺衫原來咁方便

可能你以前都睇過，咁有用，重溫下啦。