九一七坪洲之旅

坪洲之旅今日順利出發，合共14位團友，早上八點半中環集合，齊往蘭芳園共進早餐，本人試過佢嘅豬扒包，OK喎，有機會都試吓吖，不過又唔需要專誠去喎，飽餐後到6號碼頭坐10點船往坪洲去。

是日行程包括：大灣(碼頭)→仙姊廟→哪吒廟→觀音廟→大利島→北灣→釣魚公→電台發射站→大龍村→有機農莊→東灣→龍母廟→金源冰室午餐→天后廟→金花廟→登上手指山→鳳萍亭→南灣→南灣有機農莊→圓通講寺→南灣海提→青草地餐廳→乘16:55船回中環。

今日旅程當然開心，且有幾個驚喜：

• 每位HK$92.6，食足三餐，意料之外；
• 華媽之活潑，實屬大發現；
• 榮媽之健談，亦屬意料之外；
• 金源冰室的番茄好好味道，好鮮甜、好鮮甜；
• 天氣咁熱都冇團友發脾氣........

多謝參與是次旅程，希望各位滿意今日安排，並帶住愉快心情歸家，回味今次旅程啦！

而今日可惜嘅係有煙霞令景色模糊；天氣悶熱令行山較為吃力；本人再一次食唔到蝦多士，因為祺森是日休息；梁太之友包括大佬泉、水爺、小鴻、星星仔、癲豆、拍七等等不能出席，希望下次各位團友盡力調更出席啦，最後，容許我在此賣小小廣告：

破邊洲之旅現正籌備當中，日期為41週10月12日 (星期五)，呢兩日會有 Post 出，到時又可以網上或電話報名嘞。

有關是日影片(共九集)，請雙擊下圖登入觀看：

小馮之照片連結，請按此 ; 重溫探路之旅照片，請按此

華仔之照片連結，請按此

咖哩之照片連結，連結一 、 連結二、連結三