2007年12月22日星期六

奧唇拍



eSnips 出咗個新功能,我用咗 Ocean Park 做咗個 Slideshow 放上嚟試試效果,順便喺度同各位講聲:

聖誕快樂!

2007年12月20日星期四

土耳其廣告



從朋友Email收到呢段片,得喎!轉貼比大家睇下吖。

昂平往東涌


12月17日,一枝公乘車上昂平參觀大佛、心經簡林、茶園,遊覽完畢,用了兩個半小時由昂平步行到東涌,全程一直落山,原來落斜所要承受的壓力都不少,行畢全程後,腳仔都有啲軟,而沿途十分寧靜,清晰聽到鳥聲、流水聲、頌經聲、木魚聲......且有不少大小廟宇,如果是將起點反過來由東涌開始的話,相信是十分辛苦的,真佩服古人那些沒有交通工具的生活。

觀看今次所拍攝之照片 請按此

2007年12月15日星期六

整蠱專家



如果你比人咁樣整蠱法,可以點同片中警察解釋呢?

梁詠琪演唱會


07年12月21日,梁詠琪喺機場博覽館開 Show 呀,正!

** 憑「澳門摩卡會呈獻梁詠琪本色2007慈善演唱會」門票於當日惠顧富豪機場酒店之任何餐廳全日可享7折優惠及當日下午5時至8時半,於機場快綫香港站特設櫃台,用八達通卡以HK$42換購即日來回博覽館站車票乙張。 **

另外,08年1月1日仲有『07年度叱咜樂壇流行榜頒獎典禮』,各位興奮嘛?

夠胆約佢打枱波吖



同佢打枱波?一落場剩係個勢都輸咗比佢啦!

2007年12月14日星期五

2007年12月13日星期四

釣魚翁之旅完滿結束


12月10日釣魚翁之旅已經完滿結束,此次旅程共13人參與,全程行足四小時,沿途上斜落斜.....又上斜落斜.....再上斜落斜.....講真都要用唔少體力,由山上觀看布袋澳全景,的確幾靚!辛苦啲都值得嘅。

行畢全程後,華仔、華媽、榮榮及金美(榮榮朋友A)先行離隊,冇參加布袋澳海鮮環節,相反星仔、立仔及大佬泉就趕到布袋澳與我們會合,12人共進發記海鮮餐,共銀 $3350,樣樣都幾好味道,值得推介!食完海鮮跟住再照原訂計劃去食埋糖水,好滿足呀!

*** 而梁太遊樂團2007年之旅亦已完滿結束,在此多謝各位鼎力支持!希望各位提供多啲新景點,08年再接再厲吖!***

觀看小馮照片請到 此連結
觀看咖哩照片請到 連結一連結二連結三連結四
觀看粉葛照片請到 此連結
觀看華仔照片請到 此連結
觀看小鴻照片請到 此連結

2007年12月10日星期一

卡卡、檸檬走了.....


12月7日,卡卡檸檬突然走了.....原因不明,可能因為水質突變;可能係我加營養液的方法有誤;又可能商人捕捉時已中毒......
無論原因是什麼,總之就唔開心啦,好唔捨得佢兩個......
一齊懷勉下佢哋吖。


另外,肥輝亦患病中,左眼矇晒,希望佢快啲好返啦,肥輝!頂住呀!加油呀!

2007年12月6日星期四

兩個月的珊瑚魚

掉低咗梁太咁耐,都係因為呢缸珊瑚魚,不知不覺,已經兩個月,水質雖未最好,但都可以加入多啲生物嘞,為大家介紹下新成員啦:


卡卡,11月15日入住,巴西籍法國神仙,見佢斯斯文文,成個巴西球星卡卡咁,因而命名,而家全缸最大條係佢。

小明,之前話想入多隻食藻螺,終於11月15日入咗,左邊幅相係比大家睇下佢大隻過大寶有幾多,點解佢叫小明?冇得解,大哥叫大寶、二哥叫二寶、排第三唔一定叫三寶嘅。

醫神,11月15日入住,職責幫魚魚們食寄生蟲,不過佢食魚糧多啲.........


姑姑,11月23日入住,氣泡菇,係軟珊瑚嚟,時時唔同型態,都幾過癮。

檸檬,11月24日報到,檸檬批,屬於神仙類,顏色好靚,鬼咁活躍,亂衝亂撞,有少少神經質。

醫生蝦,11月26日入,買佢係因為醫生掛住食魚糧唔做嘢,佢就勤力好多嘞。

橙鈕扣,11月26日入,買入後都未開已經被檸檬狂啄,我怕佢遲早玩完會影響水質,於12月3日掉咗,當時係未死嘅,而右面張相係毛蟹一隻,佢原本係住喺橙鈕扣入面(放咗幾日先發現佢),而家已搬咗去紅珊瑚嘞。

豬腰,都係珊瑚嚟,11月28日入,一放入缸就即開,可惜近日發覺蟹同蝦都有攪佢,真係唔知佢可以捱得幾耐........


七仔,11月30日入,灰仙嚟,個樣同卡卡好似,唔同種兼細好多,但佢好慘,一入缸比卡卡打到七彩,最終都捱唔到,尋日朝死咗,好傷心.......唔知點解卡卡係打佢打得特別狠。

2007年11月14日星期三

口 = 樂器 ?



你認為是真?是假?

2007年11月13日星期二

海水魚家族成員


養水踏入6星期,水質數據開始有起色嘞,估計兩星期內就成功,現在為大家介紹下現有成員,仲個個都改咗名。


青B - 10月3日入住,開缸功臣,最初為爭地盤都會打魚,養落覺得佢好好"人",因為佢唔單只唔打魚,有新魚入住,佢重會保護新魚,性格一流!

黃B - 10月6日入住,一落缸翌日就狂打魚,有新魚就當新玩具狂追,曾經係缸中大佬,不過已經被朱仔打巢咗,講真個格幾衰,不過都係開缸功臣,冇功都有勞。

左邊紅腳(15-OCT),右邊藍腳(12-OCT),兩個老友鬼鬼,紅腳喜亂衝,藍腳冷靜有智慧,佢哋主要負責缸中清潔工作,好勤力。

輝仔 - 10月28日入住,翌日即開口,佢就十分為食,大部份魚糧比佢搶晒,個肚食到漲卜卜都仲不停食,同青B最老友,而家我叫佢做肥輝。


上面大寶、下面二寶,同時在10月28日入住,兩位專責清理缸中藻類,幾勤力,但可能啲藻都生得幾快,佢兩個食完一邊,另一邊又爆晒藻,現正考慮買多幾個幫佢哋分擔下。

思琦 - 11月6日入住,係而家缸中體型最大嘅,唔會點打魚,但又冇魚蝦到佢,但係十分怕醜,魚缸外一有風吹草動,就第一個走人,所以影得唔夠清楚。


朱仔 - 11月8日入住,體型最細,最初十分擔心佢會比黃B打,誰不知原來佢天不怕地不怕,只用了一個晚上,就將黃B打到貼貼服服,而且仲霸晒佢所有地盤,另外朱仔十分敏捷,冇時停嘅,上圖已經係影得最清楚的相,請多多包涵。

魚街獵奇


因為呢排又返通宵又返夜,所以成個星期都冇更新下梁太,唔好意思咁多位,好!Post 返張我上星期喺太子魚街影嘅相比大家欣賞下啦。
圖中嘅魚血鸚鵡,照我估計係魚販用高科技幫魚魚紋身,真正名符其實有血有淚,唔知你又覺得靚唔靚呢?

2007年11月3日星期六

一個月的海水魚


話都冇咁快,設缸養水已經一個月,上圖是小魚嘅近照,今日影嘅,魚兒們都顯得十分活潑,餵食時更有搶食情況出現,狀態十足,雖然已經一個月,但數據顯示水質仍未穩定,暫時都只可養活一些比較粗生嘅魚種,現在只可繼續等待,時機成熟時再加入其他成員。


同場加影: 因有上次紅腳蟹換殼經驗,所以前兩日見到藍腳蟹嘅反常行為,就知道佢即將會換,上圖就係佢昨晚換出嚟嘅"皮"嘞,可惜係影唔到換嘅過程(因佢哋會選擇熄燈後,漆黑一片才行動),而藍腳今日整天動也不動,但相信佢明至後天便會恢復原狀的了。

2007年11月2日星期五

南丫島之旅 (科水團)


由於過去幾天都是下雨天,昨晚都有少許擔心的,幸好今日天公都算待我們不薄,雖說不上好天,但亦只是密雲,不太冷亦不太熱,全程都行得十分舒服,而今行程下列:

南丫島碼頭 → 索罟灣棠記午膳 → 索罟灣天后廟 → 蘆鬚城海灘 → 洪聖爺海灘 → 風車發電站 → 榕樹灣Shelly Cake Express → 榕樹灣碼頭

全程有運動、有美食、有美景,其中棠記墨魚丸阿婆豆腐花令我最深刻,幾好食,各位有機會要試試。最後要多謝今次主辦單位:,精心設計旅程比我哋,我好滿意呀,希望你哋再辦多啲團啦。

本人照片連結 請按此

水爺照片連結 請按此

粉葛照片連結 請按此

小鴻照片連結 請按此

阿笨與西瓜



再來一條片,阿笨真係好醒目!

貞子 (阿笨版)



恐怖嘛 ?

2007年10月31日星期三

大寶與露比


如果大家記得的話,之前我在沙螺灣捉咗5隻螺,原來全部都唔係食藻螺嚟!終於我在10月28日去買了兩隻真正的食藻螺,而上圖係其中一隻,佢叫大寶呀,好鬼Q,個樣似比卡超嘛?


今日又忍唔到手,買咗呢條橙點露比,一放入缸就比缸中大佬阿黃B(黃魔)追打,希望佢過到呢個關口,生存落去啦。


因為太喜歡紅腳藍腳,所以同場再加插佢兩位嘅老友相比大家睇囉。

2007年10月30日星期二

四星期的海水魚

踏入第四星期,發現水質仍未達到穩定,全缸已進入爆藻期,現在可以做的,只有繼續.....等......


10月25日拍得紅腳藍腳的老友照片。

呢條係10月28日購入嘅藍點吊,係買返嚟幫助養水的,原本是淺色及一點點藍色在身上的,但此照片是新落缸時,小魚十分驚恐時攝下的,我有信心將佢養返靚,到時再比大家比對下吖。

上圖是今早拍的,右邊是主角紅腳寄居蟹,如果各位有跟開梁太報導,都知佢十分活躍,但近三天在珊瑚底很少郁動,甚至係靜止在沙上,一直擔心紅腳大限將至,誰不知,今早發現,原來佢幾天發呆是因為要換殼(呢次係真殼,見圖的左邊),雖然紅腳仍未回復以往狀態,但足以令我放下心頭大石嘞。

2007年10月29日星期一

南丫島

梁太除了辦團外,當然亦會參團,最新報了一個由水爺帶隊嘅團,於今個星期五,11月2日出發往南丫島一遊,如各位都有興趣的話,請聯絡水爺數學科報名吖。

而是次水爺遊樂團行程下列:

10:00 中環港外線南丫島碼頭 - 索罟灣
10:45 索罟灣棠記茶餐廳午膳
11:30 索罟灣 - 天后廟(可在金卷食品店買旦卷或酸菜等小吃) - 蘆鬚城海灘(經蝴蝶林觀蝶)
12:00 蘆鬚城海灘(寧靜及水清沙幼,可在此游水、晒太陽、閒坐、拍照等...有完善更衣室及沖身設備)
12:30 蘆鬚城海灘 - 洪聖爺海灘
14:00 洪聖爺海灘旁有機農莊嘆花茶
14:30 洪聖爺海灘 - 風車發電站
16:00 風車發電站拍照(有時間可再落蘆荻灣)
16:15 風車發電站 - 榕樹灣
17:00 榕樹灣Shelly Cake Express 嘆多款新鮮自家制cheese cake
17:30 榕樹灣碼頭附近觀賞日落
17:45 榕樹灣碼頭 - 中環

有關景色照片 可按此

水爺通知 :當天 9:45分 港外線碼頭集合

馬屎洲


位於大埔的馬屎洲,擁有香港最古老的岩石(二疊紀,距今約2億八千萬年前),而連接往馬屎洲的通道『連島沙洲』,亦會受潮汐影響,潮漲時會蓋過沙洲,所以在出入口亦貼有潮汐漲退表的,馬屎洲路段輕鬆易行,可遠眺景色包括:三門仔、馬鞍山、吐露港、八仙嶺、船灣海、船灣淡水湖主霸等,而我將大部份時間放在馬屎洲東及東南面一帶,沿途觀看古老岩石及優美景色,感覺十分良好,全程來回亦不過約三小時,實在值得一遊!唯一要彈的,可能是馬屎洲交通較為便利易達關係,本人所見,垃圾不少,希望日後到訪的朋友們,真是要注意公德啊!

今天行程如下:

三門仔 → 三門仔漁民新村 → 鹽田仔 → 連島沙洲 → 馬屎洲

如慾觀看照片請按 此連結

2007年10月25日星期四

地鐡隨拍


此照片是在東涌線的一輛地鐡內拍得的,大家對呢位仁兄嘅"企法"有咩意見呢?
  • 一. "請盡量行入車廂中間" ←佢有做到
  • 二. "請讓位予有需要人仕" ←佢都有做到
  • 三. "閱讀報紙,請顧及他人" ←佢亦有做到喎
  • 四. 佢冇坐在地上吖

咁......有冇問題呢?

2007年10月24日星期三

又拍到藍腳換殼



自從放入一些貝殼後,發現紅腳寄居蟹和藍腳寄居蟹都經常換殼,但無論一天換多少次,最終都會換回原本屬於自己那個的,最初以為牠們只是貪玩、貪新鮮或是試穿穿看看適合與否,今天,我發現換殼的另一用途,話說今天藍腳換上另一個殼,原來是為了清潔自己原有的殼,清潔完畢之後,便立即換回原本那個(見上面片段),有趣,有趣。

2007年10月23日星期二

2007年10月22日星期一

東涌至大澳


尋日收工,在沒有計劃下,決定由東涌步行往大澳,完成之前未完成的行程 (上次去到沙螺灣,只完成了一半),下午2時50分午膳後出發,於19:03分到達大澳,全程約4小時15分。而今日行程如下:

東涌裕東 → 逸東村 → 侯王宮 → "石散"頭 → 鱟殼灣 → 沙螺灣 → 沙螺灣新村 → 三山國王廟 → "石散"石灣 → 深石村 → 深屈 → 茜草灣 → 嶼北界石 → 大澳 → 坐11號巴士回東涌(19:31分開) → 20:18分到達東涌

是日天晴,密雲,天色一般,好的是不太炎熱,今次有幾件較深刻的事:
  • 在"石散"頭往鱟殼灣途中遇上三隻蝴蝶,每隻大概有小朋友手掌的size,這三隻蝴蝶打直排列,逆時針方向打轉,在我們的正前方一時向上飛,一時向下飛,彷彿叫我們不要再前行似的。
  • 在鱟殼灣的大石上有十分多食藻螺,於是拾了五隻回家中魚缸,但其中一隻已在今早爬了出魚缸死掉了.....
  • 在沙螺灣新村去了參觀大樟樹,真是十分大棵的,而且還散發陣陣香味的。
  • 原來昂平是可以駕車往深石村的,在深石村的士多買了罐汽水,再向老闆問問路,當時大約18:05分,老闆說快入黑了,前往大澳之路大約要一小時,而前路並冇街燈,在尾段更要行一段泥路,在提示我們要三思三思,及後我向她展示有帶備電筒,由深石回東涌約需三小時(有街燈),前行往大澳只需一小時,最後我們選擇了繼續前行,而士多老闆更叫我們趕快起行,於是我們立即起程,果然在半小時內,天色已十分漆黑,我們兩人拿著電筒趕呀趕,一來要趕路,一來天色實在太黑,所以一張相都冇拍低,但係就十分剌激嘞,相.....留待下次才影吧!
  • 雖然全程不太辛苦,但真係行到有啲腳仔軟......



以上是沙螺灣大樟樹影片

請按 此連結 觀看照片

2007年10月20日星期六

海水魚近照 (10月20日)


藍腳蟹爬上黑柏枝。


全家幅,可惜醫生魚已於今天早上死了.....


左圖---紅腳蟹穿著舊殼;右圖為紅腳今天換上的新殼。

紅腳吃醫生
紅腳吃醫生.flv
Hosted by eSnips

10月18日買入醫生魚,今早十時左右掛掉,死因不明,可能因水質未穩,還成了紅腳蟹的午餐..... (有興趣可Click上圖睇睇紅腳午膳實況)
AddThis Social Bookmark Button
AddThis Feed Button

代客張貼服務

將你想發表的內容及網名Email到airjcc.learnthai@blogger.com 便可代為張貼閣下的文章於本網站。(更多說明請參閱標籤中的網頁功能)
Palacan!部落格聯播

Since 27 APR , 2007

Blog Flux Directory