一個月的海水魚

話都冇咁快，設缸養水已經一個月，上圖是小魚嘅近照，今日影嘅，魚兒們都顯得十分活潑，餵食時更有搶食情況出現，狀態十足，雖然已經一個月，但數據顯示水質仍未穩定，暫時都只可養活一些比較粗生嘅魚種，現在只可繼續等待，時機成熟時再加入其他成員。

同場加影： 因有上次紅腳蟹換殼經驗，所以前兩日見到藍腳蟹嘅反常行為，就知道佢即將會換，上圖就係佢昨晚換出嚟嘅"皮"嘞，可惜係影唔到換嘅過程(因佢哋會選擇熄燈後，漆黑一片才行動)，而藍腳今日整天動也不動，但相信佢明至後天便會恢復原狀的了。