早已聽聞維記以豬潤聞名，再加上早前領隊豪亦推介，尋日下午，決定一試！
維記至今，已於同一條街開了三店，主要供應，米粉、公仔麵(網友話用大光麵)、配料有餐肉、旦、香腸、牛肉、豬潤等等........另有多士、咖啡、奶茶、利賓納等一般水吧飲品，單拼粉麵HK$18，而雙拼則HK$20。而我就叫了以下兩樣：
- 潤牛米 (HK$20)
- 熱鴛鴦 (HK$10)
全場食客，九成以上會點豬潤，當服務員放下潤牛米在我面前時，我心裡在想：『嘩！個賣相咁差嘅！？』，而平時喜歡加大量調味料嘅我，今次什麼都冇加，先飲一口湯，好甜！再食豬潤，好緊張呀，喂！真係得喎！以往食嘅，會仲有少少血、少少苦、有血腥味同潺潺地嘅感覺，呢度絕對唔同，要用爽甜嚟形容，好食！牛肉同鴛鴦都一般，不過不失，另我估個湯都落咗幾多薑，因為單單喺我個碗都搵到三舊。
總結：份量唔細、價錢唔太貴、除賣相差啲外，招牌豬潤的確好味，如果你喜歡豬潤，呢間必試，如你不甚喜歡的話，維記可能會令你改觀......
沒有留言:
發佈留言