彩虹甜品店(大埔)

• 太極豆腐花 --- HK$12
• 黑糖雪糕 ------HK$18

太極豆腐花，黑色嗰部份其實只係在豆腐花中加入芝麻，而黑糖雪糕嘅黑糖喺餐牌係註明自製的，兩款甜品中規中舉，唔會係難食，但又唔講得好突出，路過要食甜品的話都可以嘅。
而今次我主要係想講喺我落單時嘅小插曲，話說我坐低後，侍應走過來........

• 侍：請想問要咩呢？
• 我：一個太極豆腐花、一個黑糖雪糕。
• 侍：好，個豆腐花想要熱定凍呢？
• 我：熱啦！
• 侍：哦，熱嘅賣晒喎。
• 我：.........呵(我笑了出來)，咁要凍啦。

註 : 個女侍應服務態度係唔差嘅，不過我覺得佢問得好搞笑啫。