彩虹甜品店(大埔)

• 太極豆腐花 --- HK$12
• 黑糖雪糕 ------HK$18

太極豆腐花，黑色嗰部份其實只係在豆腐花中加入芝麻，而黑糖雪糕嘅黑糖喺餐牌係註明自製的，兩款甜品中規中舉，唔會係難食，但又唔講得好突出，路過要食甜品的話都可以嘅。
而今次我主要係想講喺我落單時嘅小插曲，話說我坐低後，侍應走過來........

• 侍：請想問要咩呢？
• 我：一個太極豆腐花、一個黑糖雪糕。
• 侍：好，個豆腐花想要熱定凍呢？
• 我：熱啦！
• 侍：哦，熱嘅賣晒喎。
• 我：.........呵(我笑了出來)，咁要凍啦。

註 : 個女侍應服務態度係唔差嘅，不過我覺得佢問得好搞笑啫。

生記粥品專家

幾年前，隊長帶我嚟呢間生記食嘢，記得當時我係叫咗碗清湯牛腩伊麵嘅，晤.......好味道！

之後，我就開始不時都嚟幫襯，在我第二次到訪時，我見到牆上除咗介紹清湯麵外，亦有介紹粥品，於是，就叫了一碗鮮牛肉粥試試，試過之後.......我每次嚟到生記都係食呢樣，不作他選嘞！

• 鮮牛肉粥 --- HK$20 (袖珍類)
• 鮮牛肉粥 --- HK$26 (單拼類)
• 清湯牛腩麵 ------ HK$18
• 清湯牛腩伊麵 --- HK$20

生記，位於上環，近孖沙街/禧利街，雖然上圖有兩間生記，其實兩間是靠在一起的，今日幫襯時，更發覺佢已經再擴充了舖位，門外亦貼上增加旺角分店的告示，恭喜恭喜，抵你嘅！

講返碗粥先，味精粥，粥底比以前稀咗，料好似冇咁足，但尤幸仍然係好味嘅，牛肉好鬆軟，好好咬口，最緊要係佢附帶嗰碗薑葱豉油，用嚟點牛肉，好味道呀！最衰我唔係好喜歡食魚，因為我一直覺得呢碗豉油點魚最正！如果你好魚的話，我建議你叫碗鮮鯇魚腩粥，應該好好味。

註：生記星期日休息，平日食晏時間十分多人，另如堂食12:30前離坐結賬或14:30後入座的話，每碗粥照價減HK$3，可以的話選擇呢啲時間去，食都食得舒服啲。

Piano

試下呢類型啱唔啱聽？鋼琴加電腦動畫，幾正喎。

幾難走得甩，照單全收吧！

傳聞前兩晚，有位人兄喺車上『以屁會友』，攪到當晚成車人精神為之一振，於是我就遍尋網上資源，睇下有咩方法可以令你哋避得過佢呢份厚禮，結果係.......幾難避到，接受把啦.......請睇片(條片矇就矇啲好過冇啦)！

真正撞到飛起

Accident-voiture-moto - video powered by Metacafe

夠迷你未？

香港地，地方細，莫講話寵物，就連自己都未必夠住，但你睇下圖中呢隻迷你狗仔，屋企實夠位啦。

2007年足球隊名公投結果公佈

2007年足球隊隊名公投 ，已於6月16日截止投票，得票率如下：

綠豆六角: (13%)
UwillPay: (25%)
魔界獵人: (0%)
各志華夫: (6%)
AIR米蘭: (19%)
爸載聾麻: (19%)
轟畾二世: (19%)

Total Votes: 16

隊名結果由 UwillPay 奪得，多謝各位參與是次投票。