日本大型室外廣告

Japanese Vertical Soccer - Watch more free videos

設計特別的門

Coolest Door Ever! - Watch more free videos

西人整蠱節目

Scaring Hot Girls - The most popular videos are here

開始嗰個比較普通，到中段嗰個，如果事主有心臟病的話，都隨時玩出禍。

識點做啦

今日從Email收到上圖，即想起之前提及過嗰位『以屁會友』嘅仁兄點樣招呼佢啲朋友，受過佢恩惠嘅朋友仔係咪好應該夾錢送份禮比佢呢？

超級星光大道

近期台灣的熱爆節目-------超級星光大道(楊宗緯精彩回顧)

蟲來自那方二

蟲來自那方延續篇：

今朝經過再睇，飛蛾走咗，祇剩低呢條『蟲』，由於手機拍微距質素有限，我形容你哋知啦，呢條嘢大約6cm長、3mm闊，由一粒一粒綠色球體相連組成，而綠色粒粒外面被杏色毛毛包圍，最初以為啲毛毛係蟲腳，睇真原來唔係，相信係卵嚟嘅，仲極有可能係昨日隻飛蛾產嘅卵，大家留意下之前段文章，隻飛蛾嘅下半部有少少方型，而且比一般飛蛾肥大，仲好似喺最底部有個窿窿咁添。

討厭領匯！

舊年五月，村內停車場當時仲係由威信管理，租金每月HK$840，誰不知領匯一接手(因領匯外判，現時實際仍然是威信管理)，即時二話不說，減少車場員工外，更在2006年七月將租金提升為HK$920，升幅達9.5%。小市民當然無力反抗，今年領匯又公佈會再加價，更不理會早前有部分車主連同議員到領會門外抗議反對，堵塞其停車場等等，一様照加！今年七月，我泊嗰個停車場就會加到HK$1100嘞！今次升幅有成19.5%！如果同06年比較，兩年累積已加了31%，認真理得你死活！

政府呢幾年嘅得意之作中，相信領匯上市會係其中之一，一味話要維護股東利益，不理會民間疾苦，縮減資源，降低服務質素，無論街市、商場、停車場都不斷加租金，好似唔休冇得做，你唔租自然有人租，務求趕走啲舊客，引入啲大集團同啲肯比錢嘅人，最緊要股東有利益，領匯大股東係邊個？香港政府囉！(雖然現在大股東已非香港政府，但我就唔信政府冇干預或無權干預！)

呢次真係深深咁領會到香港政府點樣體恤民情，領匯呢個名，改得好呀，你同政府反映咩，佢又答你領匯已經上市，政府無法監管，你同領匯提出？佢又話要維護股東利益，唉.....神又係你，鬼又係你，既然香港政府要咁趕絕啲小市民，不如索性設立一啲貧民區啦，我估小市民會開心啲，起碼唔使比你趕，又唔使估你下次用咩招數迫啲小市民，心理壓力少啲，人都健康啲，真係.........