藍腳蟹換殼呀

前兩日買咗啲貝殼返嚟比我兩隻寄居蟹有得替換下，今日，藍腳蟹試換一個，試完後不合心意，隨即換回舊殼，好抵死！
另外片中藍腳蟹不合心水那個殼，在同日晚上已被紅腳蟹換上，紅腳仲非常喜歡咁，睇嚟此殼款式甚受寄居蟹歡迎！

畫功 (不要想太多)

多謝網友提供，要學下先得 ~

釣魚翁之旅計劃行程

因12月雨水較少關係，不宜觀賞瀑布，梁太2007活動第四擊將由釣魚翁取代新娘潭之旅，而計劃行程如下：

鐡定於50週、12月10日 、星期一出發

11:30---寶琳地鐡站集合，到新都城上海婆婆午餐及購買物資

13:00---乘16號小巴出發 (每半小時一班，車費HK$7.00)

13:30---到達坑口永隆路 (釣魚翁郊遊徑入口) → 上洋山 → 下洋山 → 釣魚翁 → 蝦山篤 → 田下山 → 布袋澳村路 → 布袋澳

17:00---於布袋澳共進海鮮大餐

18:30---乘16號小巴回寶琳 (尾班車開20:30)

19:00---到達寶琳，可解散或到新都城聰嫂私房甜品食埋甜品才解散

在此要特別鳴謝拍七提供該旅遊景點，及星星仔幫忙聯同策劃是次行程，多謝兩位。

註：拍七已行過此路線，頗易行且風景優美，而全程只需約三小時便可完成，適合任何人仕參加，一如以往，大家可以開始在此留言報名或電話報名嘞。

釣魚翁資料： 連結一 、 連結二 、 連結三

1. 小 鴻 (已調放假，去)
2. 粉 葛 (放假，去)
3. 美 美 (已調放假，去)
4. 華 仔 (放假，去，但唔食海鮮)
5. 華 母 (去但唔食海鮮)
6. 小 馮 (放假，去)
7. 豆 嫂 (已調放假，去)
8. 芳 芳 (放假，去)
9. 文 迪 (已調放假，去)
10. 阿 蓮 (放假，去)
11. 榮 榮 (去，仲帶多兩個朋友仔捧場)
12. 榮榮 朋友 A
13. 榮榮 朋友 B
14. 咖 喱 (放假，去)
15. 拍 七 (最終調唔到更，去唔到嘞)
16. 水 爺 (D/E，未調，覆咗話多數唔到)
17. 大佬泉 (12，未調到，話嚟食海鮮)
18. 星 仔 (A1，未調到，都話嚟食海鮮)
19. 星 女 (要睇星仔頭)
20. 黑鬼葉 (冇得放假，唔到)
21. 信興康 (調唔到更，唔到)
22. 數學科 (被篤返工，冇得去)
23. 立仔 (被篤返工，冇得去)
24. 癲 豆 (4，調唔到，冇得去)

九成去到團友共 14 人← 更新於 12 月 09 日

兩星期的珊瑚魚

養水踏入第二星期，雖然兩條小魚依然十分活潑，進食情況亦十分良好，但黃色小魚由買入開始已有些白點，經常擦身，近日更將病菌傳染給青色小魚，於是我唯有落藥，因仍在養水期，此舉可能會影響水質，但又不想小魚們病況加劇，搏一搏啦，希望我好運，大不了由頭養過水.......
另外因為藍腳蟹實在十分可愛，所以忍不住在10月15日再買入一隻紅腳蟹，誰不知一放入缸，竟然觸發起一幕搶殼戰，幸好藍腳蟹力保不失！不過直到今日紅腳蟹依然對藍腳蟹那殼虎視眈眈，上圖最左邊近中間位，粉粉紅紅嗰粒就係嘞，真係好靚架。
仲有，唔知大家有冇留意到啲白珊瑚面多咗啲啡色嘅嘢，呢啲叫做"褐藻"，係好現象嚟，証明咗缸水已經可進行少少生物循環系統，但褐藻只係一種低等藻類，在十分惡劣環境下仍可生存，我現在仲等緊：綠藻、鈣藻嘅出現來証明水質到達穩定情況，才可加入更多嘅可愛小魚。

星爺 vs 港姐

重溫下吖

藍腳蟹

尋日去完破邊，在葵芳食個下午茶，途經水族館買下此藍腳寄居蟹，幾過癮呀。

破邊洲之旅

今天早上9點正，一行14人出發往破邊洲，先到西貢碼頭共進早餐，再駕車入北潭涌，在北潭涌叫的士往萬宜東霸，午(野)餐後步行至白腊村，再往白腊泳灘，約3點完成旅程回北潭涌。
天氣不太熱，起初於北潭涌叫的士，天.....仍在下微雨，幸運地天氣逐漸放晴，可惜是能見度不是太好及只能遠觀破邊洲，因為山路實在存在不少危險性......
此次旅程，其實頗為疲累，而我最滿意的是在東霸找路上花山觀看破邊洲時，14位團友一同行山路，撥開亂草，前呼後應，充份發揮合作精神，一齊向未知的前路一同進發........真是一種十分好及奇妙的感覺，給予我美好的回憶！多謝各位團友！！


觀看影片，請雙擊上圖。

觀看小馮之照片連結 請按此

觀看華仔之照片連結 請按此

觀看粉葛之照片連結 請按此

觀看星星之照片連結 請按此

觀看水爺之照片連結 請按此

觀看之媽之照片連結 請按此

最後要在此再次感謝星星仔設計今次旅程，及三位車主出車又出力。