以下係轉貼自華仔今次嘅感想：
『當日天氣晴朗 , 非常適合行山 , 起初由伯公拗上山都比較易行, 不過越行難道就越高 , 特別係過左第一個涼亭向鳳凰山進發一段 , 山坡越來越斜 , 地上佈滿碎石 , 梯級亦都比較大級 , 加上兩邊無大石作借力之用 , 行起黎比較吃力 , 而且亦有d 危險....雖然比較艱辛 , 但沿途風景優美 ,大約兩個鐘上到鳳凰山 , 上到鳳凰山頂更是一覽無為, 非常吸引..
落山方面 , 由鳳凰山向昂坪方向落山條路亦唔容易 , 大部份都係石級 , 而且亦都係比較斜 , 要小心慢行 , 否則亦都好易出意外 , 直至要去到 '心經簡林' 先可以舒一口氣..
由上山至落山 , 全程我同猩猩大概用左 3 個半鐘完成 , 兩人都覺得比較吃力 , 沿途無任何廁所或水源..』
星星之照片連結 請按此
華仔之照片連結 請按此
11 則留言:
佩服佩服,各位緊記黑夜上路要更加小心,不要樂極忘形呀!!
收到！不如你都考慮下一齊去啦，鳳凰日出應該好靚呀
其實,感想阿華仔都講得七七八八,只不過有少少補充...
首先一開始上山嗰段我可能體力唔夠(收死早呀)又或者太快發力,所以未到第二個涼亭布已有輕微抽筋,幸好有行山竹之助,再減慢些少速度,先可以捱到最後;
其次,呢段路嘅景色真係好好,但某些影相位可能會有危險,所以奉勸各影相佬真係唔好行咁近崖邊以免發生意外,唔好單獨行開,以免跌咗落崖都無人知;
仲有,裝備一定要足但係唔可以多,因為始終有d位要手腳並用先上到,太多裝備會係負累;
所以,我建議如去鳳凰觀日,都係行伯公坳上,雖然途程遠d,但勝在安全,不過會犧牲南天門呢個景點...如要昂坪上,則一定要有足夠心理同生理準備要行一段畢直嘅梯級路,而沿路係無"瓦遮頭";
最後,梗係要有一個或多個信得過嘅partner同你一齊行,咁就更加安心又放心喇!!
祝大家旅途愉快!!
p.s. 下次行大東山,都係咁上下難度,有興趣找左我(猩猩)就就時間!
大東山要預埋我呀.........
到時我當然又會一齊癲啦
好!..各位隨時準備再戰大東山!!
猩猩狼先生，我想問...行大東山都唔駛探路啦，不如攪返團去，好冇？
係唔洗探路,不過條路唔易行o架,所以.....如要搞要同定d團友講要有心理準備!
收到晒！Thank You ~
大東山?我第一個報名唔去!!!
唔去唔洗報名o架....
發佈留言