要做手術嘞

同大家匯報下病情進展先，初步已經預定在7月19日入院進行手術，點解話係"初步"呢，因為主診要我清晒所有幽門螺旋菌先可進行該手術，而我今日已進行了吹氣測試，下個星期一就知係咪鐡定7月19日做手術嘞。
而該手術會進行兩小時，用微創開四個窿，將因抽筋而收縮的食道部分之上及下各界開約2cm (更正：原來係上面界4至5cm，下面界2cm)，令該食道得以放鬆，手術完畢後需住院三日，之後"最少"要在家休息兩星期。
據主診講，手術後，五年內有10%機會會翻發 (因界開部分埋口而翻發，如翻發則需再做同樣手術或撐波仔)；5%機會會有胃酸倒流。
另外，今次我將入住山頂嘉諾撒，地點較為偏遠，各位唔駛嚟探我喇，我知大家有心就得嘞，手術必定會順順利利，我亦會好快健健康康咁同大家繼續遊山玩水的，請放心。