我病了

其實去完沙螺灣之後，已連續兩日頭痛，終於尋日起身，週身骨痛，探熱後發覺有發燒，即去見醫生，醫生給了些退燒藥、止痛藥、止咳水、消炎藥，食一次就好像退了燒，不過係咁標汗，到今朝都仍然係咁標汗，而今日起身就好了很多了，身體只是攰而無咗痛嘅感覺。呢兩日亦收到各方好友SMS慰問，多謝各位關心。

喺度要同呢兩日替我頂更嘅同事講聲對唔住，因為我真係頂唔住，辛苦晒。

手機亂拍

博覽館巧遇壁虎BB，好趣緻

雲似籮旋型，即拍！

巴士上，陽光普照，又拍！

沙螺灣

再接再厲，今日由侯王宮起步→"石散"頭→田心→較寮→鱟壳灣→沙螺灣→沙螺灣涌口→把港古廟為終點，去程大約兩小時，而回程因沒有停頓，用了約個半小時，全程用了三個半小時，講真都幾辛苦，行到腳仔軟，其實我回程所用的時間，同繼續去大澳差不多，不過我希望留待同大家一齊去，所以原路折返，大家睇下有冇興趣吖，但係必定要帶備足夠物資，我帶兩樽水都唔夠......

今日所見：有地方掘蜆，近距離影到招潮蟹、彈塗魚、人面蜘蛛，回程時遇到約有廿架單車斷斷續續迎面駛來，相信是向大澳進發的。

另外感受較深的是替沙螺灣村的村民有點不值，本來一個寧靜的村落，因新機場的關係，每數分鐘都有飛機升降的聲音，很是嘈吵的.........

尚有更多照片，觀看請按 此連結

(因為相機冇電，影得比較少，下次一定要補返先得！)

東涌古堡與黃龍坑

放假最後一日，今日探埋東涌南面山路，東涌古堡→上、下領皮→赤立角新村→天后宮→低埔新村→黃龍坑→馬灣村→東涌新市鎮。

而今日收穫有：於屋企樓下影到石龍子比大家睇下，低埔村附近有一天然游泳池、赤立角村可燒烤、黃龍坑徑可連接伯公坳、大東山、南山、黃龍坑瀑布等地。

今次唔會多作介紹，有機會一齊去體會吖。

欣賞更多相片 請按此

好唔捨得妳哋呀

今個星期，相繼有兩位同事辭職離開咗我哋大家庭，一位去留學，一位另謀高就，雖然一萬個唔捨得，但作為朋友係應該支持佢哋嘅決定，希望佢哋都找到自己所想的，轉到新環境，面對新面孔，都好似而家咁，開開心心啦。

東涌往侯王宮

今日一丁友由東涌步行往侯王宮，途中見到彈塗魚、招潮蟹，又搵到條山路上昂平，另一條路可往沙螺灣、大澳，以作日後活動準備，都算有收穫，拍咗一啲相片，請按此 連結。

9月17坪洲之旅計劃行程及人數

9月17日(38週)計劃行程表：

• 08:30am-----香港站迪士尼售票處集合
• 08:50am-----到達中環蘭芳園食早餐
• 09:30am-----離開蘭芳園往中環6號渡輪碼頭
• 10:00am-----乘普通船往坪洲 (快船開10:45am)
• 10:45am-----到達坪洲渡輪碼頭 (船程約38分鐘)
• 10:50am-----坪洲惠康購買足夠飲品
• 11:10am-----坪洲碼頭→大利島→仙姊廟→北灣→釣魚公→發射站→大龍村→東灣→龍母廟→回市集
• 13:10pm-----往棋森食蝦多士及其他食品
• 14:00pm-----惠康補給→手指山→南灣→逛市集→天后廟→金花廟
• 15:45pm-----青草地餐廳飲杯凍飲、吃些小食
• 16:15pm-----坪洲碼頭附近逛逛
• 16:55pm-----乘船回中環

註：來往中環渡輪普通位HK$11.3；豪華位HK$17.8，另如返D/L或可考慮去完棋森搭14:20街渡往愉境灣(HK$5)再轉巴士往機場(HK$28)，估計16:00前可到達，當然，唔需要返工係最好啦。

坪洲之旅已報名團友下列：

• 華 仔 (放假，去)
• 華媽 (17號決定參團)
• 奧之媽 (放假，去)
• Wing (放假，去)
• 小馮 (已調更，去)
• 美美 (已調更，去)
• 神經科 (已調更，去)
• 咖哩 (放假，去)
• 芳芳 (放假，去)
• 文迪 (已調更，去)
• 黑鬼葉 (放假，去)
• 士爸拿 (已調放假，去)
• 邦邦 (912報團，去)
• Wing 媽 (覆實，去).............紅色：九成九會到
• 星星仔 (覆咗，唔到)
• 水爺 (覆咗，唔到)
• 拍七 (唔到)
• 癲豆 (要做教官，唔到)
• 小鴻 (唔到，有更重要事要做)
• 阿蓮 (有事，唔嚟得)
• 大佬泉 (16號屈親腳，唔嚟得，可惜)

坪洲簡介 連結
坪洲探路之旅 連結

此頁最新更新日期及人數：2007年9月17日 , 共14人
已完滿結束，請按 此連結 觀賞。

如閣下都有興趣參與，請聯絡本人或紅色人，因不用預留車位，今次旅程人數不限。