8月15日晚，本想到銅鑼灣品嚐日本燒餅的，誰不知，6點45分到達，仍未開舖，於是四處行下搵食，發現呢間喜記，門外貼滿名人到訪照片，於是入內一試.......
睇餐牌，一般小菜大概HK$40~HK$80，感覺......差不多啦，唔係太貴啫，再睇睇鄰近食客點什麼菜，發覺大多都有點蟹，想必是招牌菜式，於是問價(時價)，嘩！大家估下上圖嘅避風塘炒辣蟹(約兩斤)要幾錢？係HK$480呀！當時我嘅諗法係人一世物一世，叫啦！足料、夠辣、好惹味，蟹質實在，蟹肉亦鮮甜，係幾好食嘅，不過價錢就...........食過一次就夠喇。
另外再加蟹油炒麵(HK$40，味道好普通，仲燶燶哋咁)、茶介(炸魚仔幾好味)、加一，埋單一共六百一，起碼半年冇得去食貴嘢嘞，嘻嘻..............
註：店舖好細，大約只有十張枱，服務態度麻麻，一啲都唔高級，但係招牌菜就超貴，一隻避風塘瀨尿蝦當日時價要HK$180..........
沒有留言:
發佈留言