坤記糕品專家

前日去開深水埗，專誠去呢間坤記買啲糕品試試，共買咗三款：

白糖糕 ($4.5) - 細細舊，唔太甜，可能我本身唔太喜歡食白糖糕，感覺OK咁啦。

芝麻糕 ($6.0) - 比白糖糕大得多，有八、九層到，幾好食，鍾意食芝麻糕呀、芝麻卷之類嘅朋友仔要試下喎。

紅豆糕 ($6.0) - 比芝麻糕細啲啲，好多紅豆0架，以上兩款我都係熱熱哋食，而呢款紅豆我返到屋企凍晒都覺得好好食，各位如有緣去坤記的話，紅豆糕必食呀！誠意推介！

坤記位於北河街與福華街交界，好易搵。