磨刀剪

之前講過飛機欖伯伯，令我諗起另一個行業......磨刀剪，如果你喺屋村長大，應該記得以前磨刀剪嗰啲師父係拎住舊磨刀石上樓、上門幫你磨嘅，又係好似飛機欖咁，一嚟到屋村樓下就喺度嗌：「磨.....刀......較X！」或者「磨.....較剪.....X！」
大家有冇奇怪我點解會打咗"X"字呢，係特登嘅，因為唔知點解，啲師父次次嗌親都係前面嗰啲字會好大聲，跟住最後隻字梗係好似屈喺喉嚨咁，要你用耳仔貼住佢個咀先聽到嘅，莫非行規乎？
請問有冇高人解釋到比我聽呢？