今日再次光顧錦華，一心諗住要試試個春風得意腸粉，誰不知又賣晒！我都上午十點到，咁快賣晒.........既然嚟到，照食啦！
今次都係叫碎牛粥、炒米粉，不過就要咗剩腸粉(HK$6.00)，個腸粉真係又滑又好食，上次叫個蝦腸要HK$12，其實就算叫呢個剩腸粉都夠滿足，仲要平成半，好味道！
食食下，唔夠喉，於是叫埋上圖碟炸兩(HK7.00)，腸粉唔駛再介紹嘞，油炸鬼冇機場二號客運大樓間BBQ咁脆，但係就比較新鮮(新炸起)，都OK嘅。
另外我問錦華伙計：『邊間茶水正？』，伙計推介文興，我叫咗杯熱鴛鴦，喂！真係正喎！有機會試下，都係HK$8咋。
註：想睇上次食評，可click入錦華粥粉麵
沒有留言:
發佈留言