錦上路站跳蚤市場及流浮山日落

平時行百貨公司或商場，覺得毫無新意，因間間商場賣的東西都大同小異，悶死人！
今天放假悠閒地到茶餐廳吃完午餐，便坐西鐵到錦上路站旁的跳蚤市場逛逛，雖然地方話大不大，邊行邊睇亦行了個多小時。細心睇睇，其中有不少有趣及精緻的物品，是一個方便的消閒地點。
行完跳蚤市場當然還有餘興，趕在昏前到流浮山觀日落。大約五時到達，逛了一會magic moment就到了，雖然有些煙霞，但個蛋黃亦相當美，不錯！
等到斜陽盡下，肚子亦餓了，在入口迴旋處找間飯店醫肚子，當然叫了蠔，今次的法是蜜汁燒蠔，外面飯店很少吃到，味道相當不錯。見其他的食客多數叫了炸生蠔，伴生菜上，包住隻蠔食，賣相不錯。當然還點了其他小菜，廚師有一定水準。叫了三碟小菜及一碟炒飯，兩口子吃還要打包回家，滿足！

(忘記了間飯店名稱，但近迴旋處巴士站只有兩間比較大的飯店，此店比較多客光顧。另外跳蚤市場只開星期六、日及公眾假期。)


觀看照片請按 此連結

** 文章及照片皆由 水爺 提供 **

小鴻川滇之旅

此 Post 完全係轉貼，小鴻今次川滇之旅，各位可到以下連結睇相兼狠評 ~


欲欣賞相片，請按 此連結

戰魚

之前比大家睇過我啲小丑打交嘅片段，呢次就搵咗段海底大魚打交片比各位欣賞欣賞。睇完你就知道我嘅小丑係幾咁斯文嘞。

大牌檔的由來

大牌檔前身乃熟食檔，而熟食檔在香港開埠時已出現，為平民提供廉價熟食，中環、灣仔、跑馬地是集中地。二次大戰後，政府為幫助戰爭期間死亡或受傷的公務員家屬，發特別牌照給他們在公眾地方開熟食檔。牌照上有持牌人的相，比一般牌照大張，稱為大牌，這類熟食檔就叫做大牌檔。後因部份持牌人黑市經營出租權，政府決定停發大牌，亦不許轉讓及繼承牌照。75年後大牌檔開始搬入臨時街市經營。83年以衛生理由，政府陸續贖回牌照，大牌檔不斷減少。大牌檔已成為港人的集體回憶，今年政府改變政策，雖不再發大牌，但子女及有興趣經營者，亦可爭取續牌權利。



** 上文乃轉載自08年11月07日之蘋果日報 **

小丑打交記

呢次主角係3條小丑魚，即係海底奇兵個隻mo仔呢，我啲魚魚當然個個都有名啦，用體型嚟分，由大至細，分別叫做 大毛 、 二毛 同 三毛，因為佢哋經常打交，當然唔係狠狠咁打，係玩玩下嘅性質，可能大家都未見過，所以專登拍低同大家分享下，請笑納。

米奇老鼠！？

今日去食晏途中遇見嘅，怪物呀 ~

08年珊瑚魚缸實況 (11月篇)

此片拍攝於08年11月05日早上七點幾，除兩隻寄居蟹(紅腳及小藍腳)及兩粒食藻螺(二寶及小明)外，全部入晒鏡，片長3分半，旨在同大家一齊睇下魚魚 ~



特別介紹此魚類，名為 火鳥 ，我共有三尾，佢哋分別叫 阿金 、阿銀 同 阿旦 ，合稱金銀旦，留意咗佢哋一排，發現佢哋雖然晚上會走入同一個地方隱藏，但早上現身的時候，必定係逐一逐一咁出嚟嘅，而上片就完整咁程現咗比大家睇嘞，而出場次序係 銀 、金 、 旦。


另外為大家粗略講講養咗一年嘅珊瑚魚情況吖，黃B生命力好強，但因佢性格蝦蝦霸霸關係，已經將佢送回大海，而呢年不斷反缸(全缸覆沒)，剩低嘅老臣子只有紅腳(寄居蟹)、兩粒食藻螺(二寶同小明)，現在其他成員都係9月、10月左右加入的，另外因為之前都十分巧合地，每當為大家貼上圖片介紹各成員，不久就會反缸，所以今次我信邪，只放上影片而不逐一介紹嘞。

零八年11月好介紹

11月12日 Billy Joel Live in Hong Kong

11月15日 08拉闊第三場

11月22日 祖戀明歌音樂會

11月27日 Kylie Minogue , KylieX2008

亞博11月又熱鬧起嚟喇 ~

西門町台灣小食

今次去咗呢間位於旺角通菜街街頭的一間地舖，共點了下列食品：

廟口魯肉飯 - HK27.00 (連冷熱飲品)

酸辣粉皮 - HK17.00 (跟餐叫，只收HK7.00)

香酥豬扒新竹米粉 - HK30 (連冷熱飲品)

紅油玉燕餃 - HK18 (跟餐叫，只收HK8.00)

香芒沙拉鳳尾蝦 - HK32.00

此餐廳選擇用黃燈暖色系，燈光柔和，座位約30多個，都幾細間，唔收加一，點菜記住睇清楚，都幾複雜，例如叫餐跟小食又有特惠價，每款減10元；跟餐咖啡奶茶冷熱唔收錢，但要鴛鴦又要加幾蚊咁嘅，好奇怪。

講返啲食物，粉皮幾醒胃、玉燕餃一般，呢兩款小食可以不理，魯肉飯就幾好味，肉碎大細啱啱好，有旦有菜有啲脆脆放喺面，值得試試。而香酥豬扒就一般，但個新竹米粉就好食喎，最後，如果大家真的到此店的話，香芒沙拉鳳尾蝦就必食嘞，我嗰碟啱啱炸起，啲蝦夠新鮮，個香芒沙拉醬又掂，唔怕熱氣就必試，推介！

兩人食，埋單找數HK104.00，略嫌貴咗啲，一試冇妨，有機會試下其他小食吖。

貓沙

好熟 ... 中文名好似唔知喺邊度聽過咁 ... 但英文就有啲唔妥 ...

香港海防博物館

上星期三，本人參加咗『威水攝影團』嘅活動，就係去咗呢度，香港海防博物館：

香港海防博物館佔地34,000平方米，改建自逾百年歷史的鯉魚門砲台。1941年日軍攻打香港時，該處曾發生激烈戰鬥，不少守軍壯烈犧牲。

博物館主要由堡壘和古蹟徑組成。堡壘建於1887年，是一座頗具規模的英軍防禦設施；內有18間地下室，原用作營房、彈藥庫、砲彈裝配室及煤倉。堡壘中央的露天廣場是士兵集散的地方。修復後的堡壘頂部加建了大型帳篷，陳列以香港海防歷史為主題的常設展覽。至於戶外古蹟徑，則保存當年的設施，包括壕溝、魚雷發射站、溝堡、官兵營房、砲台及地下彈藥庫等。

海防博物館每日 10:00 至 17:00 開放，逢星期三免費，星期四休息，入場費HK$10，而當天因為約咗小鴻，只係逗留了兩個多小時，有好多展覽廳都冇入，停留拍攝時間都很短，不過覺得呢個地方係值得去參觀下嘅，順帶一提，裡面有餐廳、洗手間、室內地方更有冷氣，幾舒服架。

如欲觀看 小馮 照片，請按 此連結

如欲觀看 水爺 照片，請按 此連結

澳門翠苑餐廳

葡式豬扒飽餐 - HK$20元 (凍飲再加2蚊)

澳門咖哩牛柳農夫飽餐 - HK$43元 (凍飲再加兩蚊)

今次為大家介紹呢間澳門翠苑餐廳，位於旺角上海街，旺角綜合大樓2樓之熟食中心內的，十分易搵，正正喺朗豪後面。

是日叫咗兩個餐，分別係：

葡式豬扒飽餐 - 個飽幾脆，豬扒唔乾身，凍咖啡有水準，好飲！如果豬扒多汁少少就更正嘞！

咖哩牛柳農夫飽餐 - 錫紙包住農夫飽，農夫飽又包住牛柳，食嘅時候點咖哩食，農夫飽外皮香脆，裡面又煙煙韌韌咁，都幾好食，係略嫌個咖哩汁咸咗少少，杯凍咖啡唔洗再講啦，呢個餐仲有一個牛腩粒湯，呢個湯不過不失咁啦。

整體覺得食物幾好食，買完飛又有專人拎比你，農夫飽係好似貴咗啲，但係值得試試，不過最好兩人一齊食，一來可趁熱食(外皮脆啲)，二來一個人食可能會幾濟嘅，另外農夫飽仲有好多不同配搭的，例如豬柳、雞、牛腩、雜菜等等...

此外當然仲其他食品啦，如果大家試過有其他正嘢就話比我聽吖，因為我必定會再去食嘢嘅。

哈囉喂

小弟近日用手機拍得兩幅靈異照片，趁快到鬼佬鬼節，貼出嚟同大家應下節！


呢幅名為 『路牌纏身 ~』

而呢幅就係 『蜻蜓降頭 ~』


係咪好得人驚呢？祝各位哈囉喂快樂！

坤記糕品專家

前日去開深水埗，專誠去呢間坤記買啲糕品試試，共買咗三款：

白糖糕 ($4.5) - 細細舊，唔太甜，可能我本身唔太喜歡食白糖糕，感覺OK咁啦。

芝麻糕 ($6.0) - 比白糖糕大得多，有八、九層到，幾好食，鍾意食芝麻糕呀、芝麻卷之類嘅朋友仔要試下喎。

紅豆糕 ($6.0) - 比芝麻糕細啲啲，好多紅豆0架，以上兩款我都係熱熱哋食，而呢款紅豆我返到屋企凍晒都覺得好好食，各位如有緣去坤記的話，紅豆糕必食呀！誠意推介！

坤記位於北河街與福華街交界，好易搵。

南京人眼中香港

『去了一趟香港，被香港毒倒了，香港的色彩很舒服，不干涩不油腻，刚刚好，难道是传说中的德味？到了香港发现自己是彻头彻尾一穷人，满街跑的都是超级房车，满眼晃的都是大牌旗舰铺，连中学生手上的名表都那么晃眼。咱不跟他们比，精神上发点小财就知足了。

香港人很友好，虽然看起来不太热情，但往往你在街头彷徨的时候，一个香港老太会过来给你指路。不过感觉香港对内地的了解不多，对内地客不太重视。香港的网络与内地互联似乎有问题，内地网友与香港网友交流甚少，后来听一香港媒体的老师介绍，香港网络普及率奇高，但香港人很忙，泡网的不多，也没有像天涯，西祠这样的大型论坛，所以香港的网民比较像游牧人，呵呵，不知道是不是这样。当然自己亲自去香港，才能真正了解香港，香港的效率，尤其是交通效率让我惊叹，几乎都是2车道，单行线众多，却很少堵车，车速飞快，行人不会出现在快车道上，几乎没有自行车，摩托车与汽车共用一道。街道干净，50米一个垃圾桶。行人走路很快，我一停下来拍照就会阻碍行人疾走，很不好意思。天空和海水很蓝，虽然香港人说现在香港的空气很差，但是摆在南京，估计是很好的空气了。』




簡體字？唔需要奇怪，因以上文章乃轉貼自網站：色影無忌，原文加原作者是次照片作品，可按此 連結 ，本人睇完此文後，我會開始反省一下，對內地人多點重視，因為不應受尊重的只佔少部份，反正世界各國都存在，內地人實不應再被標籤化，而大多數問題都是源自大家文化背景差異，生活習慣所產生罷了......

教你如何出賣朋友

以上呢位朋友嘅方法好正！必定要學！

講開朋友，令我想起上集獎門人有個問小朋友有咩環保新方法，其中有位小朋友提出：
『識少啲好朋友啦』
點解呢？
原來小朋友解釋話如果少啲好朋友，咁就可以送少啲禮物，從而省卻包禮物嘅花紙呀絲帶呀...等等...

我覺得個答案好得！

早日康復

癲豆先生/太太於九月尾探過奀豬，當時奀豬傷口仍有痛楚，導至只能裂開小口微笑，並未能開懷大笑，但精神好好，全程有講有微笑，但當日因未出報告，所以未知病情進展。

10月8日，釘歷史去探過奀豬，好精神，進展良好，報告已出：肝臟壞組織已消除，但手術之前已有壞細胞混入血液當中，所以仍會有復發機會(有機會感染其他器官)。

現在奀豬極需要休養，適時作息、不能操勞、戒口等等，本人在此呼籲各方好友，如奀豬日後返工的話，請儘量調啲朝九晚五，唔洗操勞嘅更比佢，例如10仔，大家夾手夾腳睇住佢，幫佢休養成功後，再為大家拼搏過吖！

最後，開呢個 Post 嘅目的除咗匯報奀豬進展外，更希望大家多一個地方留言比奀豬，當然更鼓勵你直接打電話或去探探佢啦！

幣！唔記得帶鎖匙...

如果係你...你會點呢？

布袋澳海鮮團

大家認得嘛？呢幅就係上次去釣魚翁時影低嘅布袋澳，今次由大佬泉發施號令，小弟協辦，現謹訂於2008年.週次43.10月24日.星期五，約晚上七時至九時，再次殺入布袋澳食海鮮，相信有唔少兄弟姊妹喺尋晚都收到邀請訊息嘞，但由於有啲朋友唔係數碼通網絡關係，所以都特設網上報名，各位有興趣就請聯絡我或喺度報名吖！一夠12人即成團，人數不設上限，多謝大家參與！

以下係已報名人仕：

1. 隊 長
2. 美 美
3. 大佬泉
4. 芳 芳
5. 癲 豆
6. 癲豆嫂
7. 小 馮
8. 星星仔
9. 星星女
10. 單歷是娶
11. 粉 葛
12. 立 仔
13. 傻 卡
14. 華 仔
15. 榮 榮
16. 壞 人
17. 靚女雯
18. 粗 樓
19. 領隊豪 (八成機會出席)
20. 豪 女 (豪去佢去，即係八成)
21. 邦 邦
22. 拍 七
23. 羅 倫

• 截至10月24日，共 23 人參加 ( 已夠人數，確定如期舉行)

• 各位已參加或想當日臨時加入嘅朋友仔請注意：

小馮、芳芳、單歷是娶及傻卡，四位人仕會作先頭部隊，先行前往布袋澳搵位點菜；

其餘人士集合時間及地點下列 ：

時間：18:30

地點：坑口港鐡站 A 出口，乘的士前往

1024 海鮮團已經完滿結束，而以上 23 位兄弟姊妹都全部出席，席後我哋再去聰嫂食埋糖水先走，本人今晚感覺十分高興，食物好食之餘，各人又冇分你我，打成一片，好溫暖，多謝各位給予小弟呢個咁正嘅飯局！

當然要特別鳴謝 大佬泉 召集各位參與是次活動啦！多謝各位！

健康金字塔

做完手術後，對飲食開始多點注意，送比大家一個可能遺忘已久嘅食物金字塔。

祝願各位 平平安安！ 健健康康！生活愉快每一天！

環保汽車

上圖呢架車大家見過未？無需入油、無需叉電，全人力推動！小弟有幸喺圓方某超市入面見到！小朋友坐得興奮又開心、大人買嘢安心又放心！值得推介！未見過嘅得閒經過去睇下吖 ~

水爺靚相集

重開梁太，找返水爺條數先，爭佢兩個 Post ，請欣賞：

1. 南台灣之旅 ：今次八天旅程去了高雄及墾丁，覺得非常輕鬆及享受，風景非常優美，可借八天旅程中佔了七成時間都下著雨，有點兒失望。今次因天氣不佳，所以只用了相機仔拍了些到此一遊的紀錄性照片。台灣南部還有很多風景優美的地方但今次未能有時間到訪，例如東港、大鵬灣、小琉球等，下次一定要再去！

http://picasaweb.google.com/tsui816/Aug08

2. 南丫島小品：

http://picasaweb.google.com.hk/tsui816/LammaIslandSep08

多謝水爺，咁遲先出，對你唔住！

2008歐洲之旅

正所謂〝讀萬卷書，不如行萬里路〞，小妹今次終於好好利用咗三個多禮拜嘅假期再次踏足歐洲呢片土地，今次行程踏足過嘅國家計有瑞典、丹麥、瑞士、西班牙、法國、奧地利、列之敦士登及意大利。

今次嘅行程令小妹眼戒大開，感覺就好似發咗個好美妙嘅夢一樣，就算到宜家都唔敢相信自己有幸踏足呢片咁美麗嘅土地。同樣地，當你置身於咁靚嘅地方，你就會讚嘆世界之大，驚嘆大家都活在同一天空下，但係點解又會同香港咁唔同嘅呢？呢次行程令我深深體會到咩叫地靈人傑，歐洲的而且確會令你樂而忘返！

而且今次亦有幸品嘗到唔同地方嘅美食，最難忘嘅係西班牙同意大利源源不絕超新鮮海鮮，芳香濃郁嘅意大利咖啡，甘香美味嘅瑞士朱古力等，當然點少得我家姐呢位大厨親手烹調俾我嘅美食呢！

其實今次咁完美嘅行程實有賴我居住响瑞士嘅家姐同姐夫細意安排，佢哋响百忙之中都安排假期帶我去吃喝玩樂，實要在此表達我萬二分嘅感謝！當然唔少得要多謝調假俾我嘅好同事喇！

响呢度連接咗小妹今次旅程嘅相，希望大家好好欣賞。

Link 1 http://picasaweb.google.com.tw/huimwstella/TripToEurope2008?authkey=GBH-oz7Bpk8

Link 2 http://picasaweb.google.com.tw/huimwstella/TripToEurope20082?authkey=7J2wsRMAhnQ

人類的朋友

經常話狗係人類嘅朋友，而點解有啲人話海豚係人類在海洋中嘅朋友呢？睇完呢段片你就會明，仲要係男朋友...

手術成功

7月19日，上午11點，到達舊山頂道1號嘉諾撒醫院，因為是下午3點才安排做手術，所以兩點前預備妥當(消毒水沖涼及換上手術服)在病床等候就可以，一辦完入院手續，到床位放低物品後，即落樓四處行下，整間醫院較舊，房租包膳食，地下有兩間餐廳，好貴但有幾台電腦可供上網，有些房間更設有WiFi服務，我住嗰間就冇嘞，因為最平嘛，另外各房間都有電視睇，電動床，召喚鐘等等，姑娘幾好人兼盡責，喺度要多謝佢哋嘅照顧，呢次發覺原來照顧病人要有好大嘅忍耐力先得，醫護工作真係好辛苦！

今次有兩個驚喜，都係主診比我嘅：
第一個係12點幾當我在醫院週圍行緊嘅時候，收到姑娘電話，內容係手術時間改咗下午兩點做，要立即上病房準備...... 吓！？ 真係諗都冇諗過手術都可以提早嘅！
第二個係主診同我講解多次手術詳情『......，失敗率係三萬分之一，如失敗會即時修補，呢次手術係要開五個窿......』吓？唔係四個窿咩？← 我個心係咁諗，但係到呢個地步4個5個都要做啦，係有少少驚喜姐...

接近兩點左右推入手術室，麻醉師先喺我左手吉一吉，跟住同我講『唔好意思，呢邊搵唔到，要喺右手試過！』，好彩右手成功，當麻醉師注射咗麻醉液再比個氧氣罩我吸唔夠十秒後，我已經冇晒知覺，醒返已經做完，出返病床大概五點幾，主診話手術好成功，大約做咗3小時。

因為我做食道手術關係，由17號開始就要食流質食物，19號早上9點後更加連水都不能飲，做完手術返嚟，成身好痛好痛，落完麻醉又不能飲水，冇咩好做，唯有瞓覺，但咁鬼痛，點瞓呢？好彩主診叫姑娘幫我打枝止痛針，不過都痛咗我成粒鐘先瞓到。

手術當晚瞓醒第一件事睇下身上多咗啲咩：
1. 右邊鼻孔有條喉一直插到入胃，不斷抽緊藍色液體(藥水)出嚟；
2. 左腰有個球狀物體經一條喉駁入傷口入面抽瘀血；
3. 右手臂有個落藥口，加一條喉用嚟吊鹽水嘅。

7月19日晚，全晚都痛，瞓得都好差，落唔到床，小便都係用尿壺攪掂咋，慘！

7月20日早上，主診再嚟，比咗淡清水我試，問咗啲問題，先拆條鼻喉，舒服晒 ~ 再同我講可以試下食白粥水，結果午餐同晚餐都係食粥水，又少又稀，不過好過冇啦！下晝我試過落地行下，終於自己行到，雖然仲痛緊，但起碼去到廁所吖。

7月21日因上午要照 X 光，所以前一晚12點又要禁食禁飲水，早餐連粥水都冇得食，呢次 X 光目的係要知道手術是否真的成功，但係吊住鹽水、腰間有個瘀血波，照嘢真係唔方便！約11點幾完成返病床，立即通知姑娘照完喇，晏晝記住預我，嘩！正呀，雖然今次呢個午餐都係粥水，但係係有味嘅粥水呀(用肉煲然後只要粥水)！好味道呀！食完個午餐冇問題後，姑娘幫我拆埋條鹽水喉，即刻行動方便晒，到晚餐，仲正，啲粥係有米有肉碎嘅，好好好正呀！
晚餐前，姑娘連個瘀血波波都幫我收埋，全身剩底嘅一個打針口就喺當晚凌晨點幾拆埋，應該係因為主診晚上約11點嚟睇過我仲同我講：聽朝我嚟多次，冇特別就出得院喇。

7月22日經主診睇過後，確定我可出院回家喇，知道可以返屋企，原來心情會好開心嫁！

現在傷口仲有少少痛，未出得街住，另外兩星期內除要戒口外，亦唔可以食太硬嘅食物，要較軟身或近乎流質，因為喉嚨傷口個膜好薄，太硬驚會整穿，個薄膜完全生埋約需6星期，但頭兩個禮拜要特別小心。

最後多謝各位梁太之友對本人之關心，多謝各位，好快會返嚟見你哋，好掛住你哋呀！

再一次借此篇文章多謝嘉諾撒醫院仝人、特別係照顧過我嘅醫護人員、主診劉雄外科醫生、麻醉師、替我做動力測試嘅梁醫生、宏康醫學診斷中心仝人(中環化驗所)、中環太子大廈卓健醫療中心仝人，多謝你哋對我嘅照顧，多謝！

有生命

水與魚兒的對話

今日睇了一些汶川大地震的照片，其中一幅並非真實照片，而是一幅手繪畫。

畫中畫了一個小女孩，手持一枝亮起的蠟燭，緊閉雙眼，淚在淌，腮子更是佈滿紅筋 ...

此畫主題：『我們在一起』

主題上寫有一個故事，故事是這樣的：

魚兒對水說：『你看不見我眼中的淚，因為我在水中。』
水對魚兒說：『我能感覺到你的淚，因為你在我心中。』

睇完覺得好感動，所以希望跟大家分享分享。

七八月博覽館好介紹

Thomas & Friends Live! On Stage - 友愛互助奇遇記
7月10日 至 13日，首兩天每日兩場，尾兩天每日三場。


AKON Live in Hong Kong - 7月26日舉行


Alicia Keys As I Am Hong Kong 2008 - 7月29日舉行


Travis Live In Hong Kong - 7月31日舉行


Live N'Loud Hong Kong 2008
呢個要介紹下嘞：
　號 稱 香港 首 個 搖 滾 音 樂 節 的 LIVE N'LOUD ， 將 於 8 月 5 日 假 亞 洲 博 覽 館 舉 行 ， Simple Plan 、 One Republic 、 Lostprophets 、 New Found Glory 以 及 Jamie Scott & the Town 5 隊 搖 滾 勁 旅 將 聚 首 一 堂 rock 足 一 夜 ， 除 了 台 上 的 精 采 演 出 ， 音 樂 節 場 館 內 並 會 舉 行 各 式 各 樣 的 活 動 ， 包 括 發 售 官 方紀 念 品 、 Channel[V] 及 HMV 特 設 攤 位 等 。 為 關 注 四 川 地 震 災 情 ， 主 辦 機 構 將 在 每張 門 票 中 捐 出 $50 作 賑 災 之 用 。

仲有濱崎步肯定9月會嚟、傳聞麥當娜都會嚟香港(唔知係咪博覽館呢？)，今次報導到此為止！大家剩係睇到啲陣容都應該夠晒興奮啦！

物價

今日去檀島食個晏晝，坐隔離有一大班人正在午餐，八八卦卦聽下佢哋講咩，見有一位剛剛到步嘅女仕問一位已攞餐嘅男仕：

女： 咦！？做咩食五香肉丁麵呀？唔食餐肉？你唔係鍾意食餐肉嘅咩？
男： 抵啲吖嘛！而家五香肉丁成十幾蚊罐呀！

係喎！呢件事令我諗起，早幾日喺超市見到而家五香肉丁買成$16蚊罐呀！有冇攪錯呀？以前平民價$10蚊有兩罐，而家咩世界...究竟係成本貴咗？定係商家牟利重咗呢？人工又唔見加得多，唔通營商真係咁艱難？

講開檀島，順便發下嘮騷先，記得此店於機場開幕早期，合桃蛋糕同藍莓芝士包好食到不得了，不知何時開始，藍莓芝士包得番極少芝士，而合桃蛋糕比我嘅感覺係偷工減料咗，冇晒嗰隻正正蛋糕味，合桃直頭係轉咗供應商咁，整個蛋糕完全唔掂，我最初以為一時失手，之後我比咗三次機會佢，結果完全一樣，唔通又係百物騰貴嘅關係？

** 註：以上純屬個人意見，如你是檀島Fans，請多多見諒。**

樂香園咖啡室

位於中環威靈頓街的蛇竇，多年前我已經光顧，因早已不在中環上班，已很久沒有幫襯，今年有機會再到樂香園，當然食回我以往最愛食嘅雞批，雞批內有火腿及雞肉，再用忌廉湯煮成餡料混合而成，如果撞正剛剛出爐，真真美味無窮，都係買6蚊咋！
咖啡、奶茶、鴛鴦亦十分到家，熱嘅$13、凍嘅$15，略略貴咗少少，不過中環喎，差唔多啦。
店內裝修、擺設偏懷舊，連沙糖都放置在一個冇蓋嘅器皿上，感覺上有點不衛生，但舊式亦係呢度嘅風味之一呀，至於點解叫蛇竇呢？有一個說法話以往好多打工仔經常光顧及蛇王一返，真係信不信由你嘞。
講出嚟自己都唔信，一直以來，我到蛇竇只會飲杯熱鴛鴦加個雞批，而對上一次，有啲唔夠喉，於是叫咗件蛋撻，嘩！真係咪亂試呀，各位。
另外近排返查過蛇竇嘅資料，原來除雞批、什批外，炒滑蛋同蛋治都十分有名的，下次光顧必試蛋治，而且唔會烘底，因聽講話個方包都好得嘅咁話。

黃飛鴻

根據歷史考據，黃飛鴻原名黃錫祥，生於一八四七年七月九日，中國廣東佛山人，從小家境清寒，跟著他的父親黃麒英一起練武，四處賣藥。根據香港武師／導演劉家良的描述，黃飛鴻的武術師承自陸阿采，陸阿采則是師承三德和尚，劉家良的父親劉湛當年是向林世榮學拳，而林世榮（電影中的「豬肉榮」）則是師承黃飛鴻。

點解會提黃師傅呢？提起黃飛鴻，相信大家都會記起關德興師父，他們彼此好像是掛勾的，今日小弟有緣在深宵電視的粵語殘片中看見關師父的演出，難得關師父在片中(粵語殘片)並非飾演黃飛鴻，大家估下佢演什麼角色吖？

提示：片名叫『哪吒大戰海龍王』

答案：請登入意見欄睇睇

貓頭鷹

貓頭鷹如果受驚，會點呢？睇睇就知道

自由行、自由人

如何令你/妳身邊嘅人立即離開？大家可以參考下國內同胞嘅示範吖！

好好保管你的財物

一連兩短片，只希望各位都能提高警覺。

閉路電視

上圖是一星期前在港鐡港島線某列車某車廂中影的，圓型物體下的字體是『車廂閉路電視測試中』，究竟此閉路電視有咩作用呢？防止罪案？阻客作用？阻嚇作用？紀錄？提升服務？幫助有需要嘅人？

雖然我冇答案，但相信離無人駕駛之期不遠了...

如何令BB唔喊

唔需要識日文都睇得明，不過都要開喇叭喎。

要做手術嘞

同大家匯報下病情進展先，初步已經預定在7月19日入院進行手術，點解話係"初步"呢，因為主診要我清晒所有幽門螺旋菌先可進行該手術，而我今日已進行了吹氣測試，下個星期一就知係咪鐡定7月19日做手術嘞。
而該手術會進行兩小時，用微創開四個窿，將因抽筋而收縮的食道部分之上及下各界開約2cm (更正：原來係上面界4至5cm，下面界2cm)，令該食道得以放鬆，手術完畢後需住院三日，之後"最少"要在家休息兩星期。
據主診講，手術後，五年內有10%機會會翻發 (因界開部分埋口而翻發，如翻發則需再做同樣手術或撐波仔)；5%機會會有胃酸倒流。
另外，今次我將入住山頂嘉諾撒，地點較為偏遠，各位唔駛嚟探我喇，我知大家有心就得嘞，手術必定會順順利利，我亦會好快健健康康咁同大家繼續遊山玩水的，請放心。

神奇大帝

『神奇大帝穿左個窿,三位忠心妾侍~無個靚,有個豆皮,有個老到就嚟死~~~』

再嚟多首！死未！？

電子神童

橫掂都係，嚟多一首！勁呀！

小露寶

有幾多人睇過？講！

受過軍訓？

不自量力

相信大家都記得佢：紅腳寄居蟹，今日剛好是牠進缸8個月的大日子，是現今缸中的老大哥，但亂衝亂撞性格仍未改，以上片段乃攝於6月3日，牠不自量力爬上送氧氣喉的一刻......

動力測試

做完動力測試 (食道) 嘞，之前上網查過動力測試 (尿道)，話係插入你個出口，跟住要你出力放出嚟，測試呢方面嘅"動力"；但關於食道嘅就搜尋唔到，更有人口述話可能要放個波入食道，然後抽出嚟......今日做完，終於知嘞：
首先會喺鼻孔噴啲麻醉藥要你索入去，跟住用條膠喉，搽啲KY，一直由鼻孔插入食道，我就最長被插入70cm嘞，插入之後，逐cm逐cm咁抽返出嚟，每cm都停低做電腦分析，主要係以計算壓力嘅方式嚟搵出係咪有一段、多段或全段的食道出現問題，當搵到目標後會停留耐啲，做多幾次分析，包括要吞啖水做測試，我就喺45-50cm嘅時候做咗十次吞水做分析嘞，整個測試做咗30分鐘，唔係十分辛苦，係條喉喺較上位置時頂住頂住咁，好唔舒服。
問過測試醫生，測試證實咗我個病係 Achalasia ，最好都係做手術，下一步就係要等6月18日去主診醫生度覆診，聽下佢嘅意見嘞。
報告完畢，各位真係唔駛擔心喎。

玩個遊戲吖

以上圖片由戰地記者提供，想同大家玩個遊戲，兩個問題有待各位解答：

1. 圖中三位仁兄喺度做緊咩呢？
2. 由左至右，各位憑背影又認唔認得出呢三位仁兄係邊個嘛？

不幸中之大幸

今日去覆診，聽完5月28號啲測試報告嘞，主診醫生講咗一大堆我聽唔明嘅嘢，不過冇所謂啦，最緊要唔係癌症，所以呢個標題叫『不幸中之大幸』，以下等我講返啲我明嘅比大家知。

個病嘅名稱叫： Achalasia of esophagus (食道失弛緩症)，主要係話胃部幽門收窄，影響進食，之前醫生比咗隻藥我，係用嚟將幽門擴大的，但只可暫時有效，因為佢話食得冇幾耐呢隻藥就發揮唔到作用，治標唔治本，要切底治療，只有用微創手術，將窄咗嘅地方界開便可。但手術後，有5%機會會有胃酸倒流。

因為要進一步確定我係呢個病，嚟緊嘅13號，已經安排要到養和醫院進行一個『動力測試』，如果証實後就會安排做微創手術嘞，而家最慘嘅係，為咗此測試之準確性，要即時停止服用之前用嚟擴大幽門嗰隻藥，即係話，又要打回原形，而家食嘢唯有慢啲啦。

到咗6月18日再覆診後，就知道是否要做上述嘅微創手術嘞，如果只係胃抽筋嘅話又係第二種醫法。至於幽門螺旋桿菌，醫生就話係小問題。

報告完畢，再次多謝各位關心！多謝！

兩頭龜

原來除兩頭蛇之外，連兩頭龜都有......

究竟有幾多呢？

08年度足球隊隊名公投

各位，一年一度公司足球比賽又就到嘞，今年搵咗七個選擇比大家，現已將投票箱放置於網頁之右上角，每人限投一票，並於6月15日截止投票，只要你係梁太之友就有權投票，齊齊幫我哋球隊投返個好名吖。



註：選擇球隊後請按 "Add my Vote!" 確認選擇。

多謝大家關心

相信大家都知我今日射咗波，冇上堂，收到不少好友都聲SMS問候，多謝各位關心，但喺電話又不能詳細解釋我咩事，所以借梁太話比大家知：

其實在這半年內，發覺食嘢時不甚暢順，有時更有些哽塞，尤其是食一啲較難消化嘅嘢，而近呢兩個月更有愈來愈嚴重的感覺，所以趁自己放三日假期就走去睇醫生check清楚。

26-05-08 先睇普通科醫生，經轉介28-05-08到中環睇外科；
27-05-08 同黑鬼葉上鳳凰山山頂，正！
28-05-08 十一點去中環睇外科，足足做咗五個測試：

• 1. 麻醉照內窺鏡；
• 2. X光照肺；
• 3. 電腦掃瞄；
• 4. 灌槳X光照食道及胃；
• 5. 灌槳X光照腸。

分兩間診所做，做完晒所有測試都已經下晝五點，最慘係做測試前已經成十幾個鐘頭冇食嘢，計埋做完測試成20個鐘冇嘢落過肚，於是走去食碗雲吞面，唔知係咪落過麻醉藥，完全食唔落，一直到夜晚10點都食唔到嘢，個身又攰，冇辦法，唯有今日射波(醫生一早已吩咐及寫咗要休息)，好彩有射，因朝早仲未完全食到嘢，直到夜晚嗰餐先正常返。

暫時只知道有幽門螺旋菌，其他報告要等下星期二覆診先知結果嘞，冇事嘅，各位請放心。

鳳凰之顛 - 黑葉伴遊篇

鳳凰山：
山有兩峰，主峰(鳳)高934米，副峰(凰)高900米，是香港第二高山。其形如鳳凰展翅。遠望山頭崩爛，又稱爛頭山，英文名稱 Lantau Peak 由此而來，另因似雛鴉待哺，故又名鴉雀口山。

今日雖然無落雨，但密雲，一早起床，思前想後，終於等到11點半都忍不住要致電黑鬼葉，到鳳凰山一遊！全程共用了3小時，而行程如下：

伯公坳 → 牛塘坳 → 南天門 → 鳳凰山頂 → 天梯 → 心經簡林 → 昂平

此路段乃鳳凰徑第三段，全長4.5公里，由東涌坐車到達伯公坳入口，對對手錶 - 13：50，出發！最初一段，有點似曾相識，與往大東山路段頗相似，一路往上...一路往上，好快就到了紀念牌匾，心裡想，都不太難行，但一路行，上斜、落斜、再上斜，發覺要上山頂，真真唔係一件易事......當到達牛塘坳的涼亭休息時，翻開地圖睇睇，正！最辛苦嗰段已過！當然又估錯啦，難度只有增而無減，繼續要上石級、碎石路、石級、碎石路，好不容易才到達南天門，不知是否之前已經消耗不少體力，我覺得由南天門上山頂是全程最辛苦的，15：45 我倆終於到達山頂，即大約用了兩小時，沿途風景十分美......如果我哋睇得到的話......點解咁講？因為今日密雲，整段旅程都被濃霧包圍，能見度最差時，連前路10米內都不能看見，上面貼的照片都係咁啱喺濃霧中看見遠景時火速拍低的，講返到達鳳凰山之顛，心情真的莫名興奮，好開心好開心，終於征服咗鳳凰山，終於都到達山頂喇！正！感覺非常正！

鳳凰山頂，比我想像細得多，有一個避風亭，我入過，其實都好大風.......我們逗留了約15分鐘，落山往昂平，從山頂起點觀看此路段，好恐怖，感覺好危險，因濃霧關係，石級頗濕滑，和黑鬼葉商量後，決定不走回頭路，繼續由此路往昂平去也，此路名為天梯，翻查紀錄原來共有約1200級，石級頗為大級(如要由下而上，有些石級大概要提腿至心口位置)，沿途有些路段設有欄杆，有些郤沒有，此段比我感覺頗為危險，行了大約50多分鐘便到達了心經簡林，但落大石級、濕滑、因危險而步步為營、落山令雙腿尤其是令膝頭承受不少壓力、再加上肚仔開始餓，呢50幾分鐘，足足好似行咗個半鐘一樣！

到達昂平即往茶園醫肚，點知已收檔！唔係掛，5點幾就收檔？好彩在天梯途中有停低，每人食咗兩片排包，諗返呢兩片排包真係好好味道，可能我哋真係好肚餓......到達昂平巴士站，我哋都八八卦卦抬頭望望天壇大佛......都係睇唔到，只見梯級，梯級頂只係白朦朦一片，你話有幾大霧呢？

觀看 小馮 照片連結 請按此
觀看 鳳凰山 星華篇 請按此

總結：雖然濃霧，美景欠奉，但能登頂仍是十分興奮的，此路段比大東山及釣魚翁辛苦，但相對於大東往南山一段，又比較安全，所以我覺得如果要睇日出，由伯公坳上大東山較為合適，睇完日出後再由原路回伯公坳坐車返東涌較為安全。

另外要多謝黑鬼葉肯陪我呢個癲佬上鳳凰山，多謝你！

C朗拿度

今年Fit到爆，我心目中嘅世界足球先生人選！

心臟復甦機

今日行經葵芳新都會，發覺在顧客服務處旁邊加裝了上圖呢部自動心臟復甦機，最正係有指示教埋你要點操作，可能你/妳早已經見過，但我覺得應該貼比大家睇睇，請認住佢，當有需要時可以幫到別人，真希望日後各大商場、公眾地方、港鐡車站、甚至更多地方都會裝上一部就最好嘞！

袋狼

袋狼小檔案
名稱：袋狼（Thylacine），身體斑紋似虎，故又被稱為塔斯馬尼亞虎（Tasmanian Tiger）
科學分類：屬袋貂目袋狼科，母體有育兒袋
原生地：新幾內亞雨林、澳洲草原
滅絕年代：2000年前已自新幾內亞與澳洲大陸絕跡，英人移民澳洲後，認為塔斯馬尼亞島僅存的袋狼是殺害羊隻的禍害，大肆屠殺。目前所知最後一頭存活的袋狼，是1933年被送至塔島荷芭特動物園的「班哲明」，死於1936年。
資料來源：綜合外電、維基百科

以下報導轉自蘋果日報：

在澳洲與美國科學家合作下，澳洲已滅絕逾70年的袋狼，其基因在老鼠體內復活。這是科學史上首度有絕種生物的DNA在活體生物體內發揮作用，可望大幅增進科學家對絕種生物的了解，甚至可望藉此研發新的生化療法。


澳洲
俗稱塔斯馬尼亞虎的袋狼在1936年已滅絕，不過澳洲雪梨博物館有一具1866年以酒精保存的小袋狼標本。
刊登在線上科學期刊《PloS ONE》的研究報告指，澳洲墨爾本大學與美國德州大學安德森癌症研究中心科學家合作，自這具百年標本抽取DNA（去氧核糖核酸），將其中控制軟骨及骨骼組織發育基因的DNA注入老鼠胚胎後，有驚人發現。研究人員在老鼠胎兒體內軟骨組織內，發現袋狼的Col2A1基因，顯示注入的DNA有效發揮作用，啟動這種與軟骨及骨骼組織發育有關的基因。


袋狼重生「是幻想」
這也表示此一原屬袋狼的基因，在老鼠體內亦可發揮類似功能。墨爾本大學學者帕斯克（Andrew Pask）說：「這是首度有滅絕物種的DNA被注入另一活體生物體內，誘導出有效反應。」
帕斯克指出，由於滅絕物種與日俱增，生物學界正逐漸流失物種的基因功能等重要資訊。
這項研究讓生物學家能更深入了解自然界的物種如何利用其基因，發育出各種獨特體型；未來還可能幫助生化醫學發展，例如研發出有助人體軟骨重建的基因療法。至於絕種的袋狼是否可望藉此重生？西班牙巴塞隆納大學古人類學家拉魯薩福克斯下了斷語：「那是幻想，不是科學。」


** 究竟將來仲會有咩動物會被複製出嚟呢...... **

撒謊的女孩

【 蘋 果 訊 】 在 被 救 出 瓦 礫 的 倖 存 者 當 中 ， 13 歲 女 孩 米 雪 ， 在 絕 境 下 被 發 現 ， 因 為 怕 救 援 人 員 不 肯 救 她 而 說 謊 。 話 說 米 雪 地 震 當 日 在 都 江 堰 市 向 峨 小 學 上 課 一 刻 ， 二 樓 的 天 花 板 突 然 塌 下 ， 65 名 同 學 霎 時 全 被 埋 ， 之 後 的 10 個 多 小 時 內 ， 米 雪 處 身 在 伸 手 不 見 五 指 的 環 境 ， 身 邊 全 是 同 學 ， 但 她 們 竟 全 不 說 話 ， 因 為 都 變 成 屍 體 了 。 米 雪 想 過 會 這 樣 死 去 ， 但 她 求 生 意 志 堅 強 ， 不 斷 扯 破 喉 嚨 呼 救 ， 最 終 聽 到 外 間 傳 來 回 聲 。


訛 稱 同 學 昏 迷 了
「 外 邊 的 人 問 我 ， 壓 的 有 多 少 人 呀 ？ 我 說 有 七 、 八 個 ， 他 們 又 叫 其 他 人 說 話 ， 我 說 她 們 昏 迷 了 ， 說 不 出 話 。 」 米 雪 事 後 在 醫 院 的 病 床 上 講 述 當 時 情 況 。 她 最 終 被 救 出 來 ， 但 救 援 人 員 發 現 其 他 64 人 已 死 掉 ， 米 雪 道 出 一 番 道 理 ： 「 我 怕 你 們 見 被 困 的 人 太 少 不 肯 救 我 ， 於 是 說 謊 。 」 米 雪 雖 然 調 皮 的 說 ， 但 她 也 知 道 自 己 的 右 腿 可 能 因 為 肌 肉 壞 死 ， 最 終 需 要 切 除 。

↑以上是我今天在報紙上看到一則關於四川大地震的報導，有些事情真的難分對錯，在此登出只是想跟大家分享分享

聽話的狗狗

子彈

四川7.8級地震

『5月12日四川7.8級大地震後，震央汶川多個城鎮被夷為平地，道路及通訊中斷，當局派出直升機及傘兵空降救援，總理溫家寶 也乘直升機到汶川視察。』

在這幾日，各大報章、電視台、電台都環繞此大災難......

截至剛才電視新聞報導：官方死亡人數已增至14866人，數以萬計的人仍被困在瓦礫之中......

每次聽到有關此災難的新聞，心裡都十分難過......

梁太同大家作出呼籲，如果可以的話，請大家都伸出援手吖，以下係一啲捐款戶口嘅資料：

宣明會

匯豐銀行：018-554444-001

恆生銀行：286-364385-003

中國銀行：012-883-0-002666-2

救世軍 (捐款熱線：27832333)

匯豐銀行：580-149649-001

中國銀行：012-878-1-061887-6

東亞銀行：015-515-10-50541-3

紅十字會

匯豐銀行：567-650155-016

恆生銀行：267-175123-001

中國銀行：806-0-000161-7

東亞銀行：514-40-39966-3

樂施會

匯豐銀行：001-537000-012

中國銀行：012-874-0010515-7

聯合國兒童基金會 (捐款熱線：28336139)

匯豐銀行：507-354014-005

中國銀行：012-875-1-081085-5

永隆銀行：020-601-003-7635-2

** 以上捐款資料由都市日報轉載 ***

手機晚霞

尋晚6點45分左右，路過亞洲博覽館，見到團光好靚，冇相機喺身都立即攞部手機影低比大家欣賞下，請原諒在下迫你哋睇相吖。